UHezekhiyeli 18:24 - IBhayibhili Elingcwele LesiNdebele

²⁴ Kodwa nxa umuntu olungileyo eguquka ekulungeni kwakhe enze izono njalo enze zona kanye izinto ezinengayo ezenziwa ngumuntu omubi, kambe uzaphila na? Akukho okwezinto ezilungileyo azenzayo okuzakhunjulwa. Ngenxa yecala lokungathembeki langenxa yezono azenzayo, uzakufa.

iBhayibhili Elingcwele 1978

²⁴ Kodwa nxa olungileyo ephambuka ekulungeni kwakhe, enze okubi, enze amanyala enziwa ngomubi, uzakuphila na? Izenzo zakhe zonke ezilungileyo abezenzile kazisayikukhunjulwa; ngenxa yenkohliso alecala ngayo, lesono asenzileyo, uzakufa.

UHezekhiyeli 18:24 ပူးပေါင်းရင်းမြစ်များ

UHezekhiyeli 33:18

Nxa umuntu olungileyo eguquka ekulungeni kwakhe enze okubi, uzakufela lokho.

Izaga 21:16

Umuntu ophambuka endleleni yokuzwisisa ucina esendawonye labafileyo.

2 UJohane 1:8

Qaphelani ukuba lingalahlekelwa yilokho elakusebenzelayo, kodwa ukuba liphiwe umvuzo ngokupheleleyo.

AbaseGalathiya 3:4

Kanti lihlupheke kangaka lihluphekela ize na, nxa impela kwakungokweze?

1 UJohane 2:19

Baphuma besuka kithi, kodwa impela babengasibo bakithi. Ngoba aluba babengabakithi, babezahlala lathi; kodwa ukusuka kwabo kwatshengisa ukuthi kakho kubo owayengowakithi.

UHezekhiyeli 18:26

Nxa umuntu olungileyo eguquka ekulungeni kwakhe enze izono, uzakufela lokho; ngenxa yezono azenzileyo uzakufa.

1 USamuyeli 15:11

“Ngilusizi ngokuthi ngibeke uSawuli waba yinkosi, ngoba usengifulathele njalo kalandelanga imilayo yami.” USamuyeli wakhathazeka, wakhuleka kuThixo bonke lobobusuku.

Isambulo 3:11

Ngiyeza masinyane. Bambelela kulokho olakho, ukuze kungabikhona othatha umqhele wakho.

Isambulo 2:10

Ungazesabi inhlupheko esezizakwehlela. Ngiyakutshela ukuthi uSathane uzabeka abanye benu entolongweni ukuba alilinge njalo lizahlukuluzwa okwensuku ezilitshumi. Thembeka, lanxa kuselungeni lokufa, mina ngizakupha umqhele wokuphila.

AbaseGalathiya 5:7

Kade lihamba kuhle. Ngubani olikhuphe ekulandeleni iqiniso na?

UMakho 13:13

Bonke abantu bazalizonda ngenxa yami, kodwa lowo oma aqine kuze kube sekupheleni uzasindiswa.

UZefaniya 1:6

labo ababuyela emuva bedela ukulandela uThixo njalo abangamdinganga uThixo loba babuze ngaye.

UHezekhiyeli 18:22

Akukho kona kwakhe okuzakhunjulwa. Ngenxa yezinto ezilungileyo azenzileyo uzaphila.

AmaHubo 125:5

kodwa labo abaphambukela ezindleleni ezitshekileyo uThixo uzabaxotsha kanye labenzi bobubi. Ukuthula kakube ku-Israyeli.

UJuda 1:12

Abantu laba bayisinengiso emadilini enu abantu abathetheneyo besidla lani bengelanhloni lakancane, abelusi abazitika ngokudla bona bodwa. Bangamayezi angelazulu, aphetshulwa ngumoya; izihlahla zasekwindla ezingelazithelo njalo ezisitshuniweyo, ezife kabili.

UJohane 8:24

Ngilitshelile ukuthi lizafela ezonweni zenu; nxa lingakholwa ukuthi nginguye engithi nginguye, ngempela lizafela ezonweni zenu.”

UJohane 8:21

Waphinda njalo uJesu wathi kubo, “Ngiyasuka lapha, futhi lizangidinga, kodwa lizafela esonweni senu. Lapho engiyakhona alingeke lize khona.”

UHezekhiyeli 20:27

Ngakho-ke, ndodana yomuntu, khuluma labantu bako-Israyeli uthi kubo, ‘Nanku okutshiwo nguThixo Wobukhosi: Ngakho lokhu, labokhokho benu bangithuka ngokungilahla.

UHezekhiyeli 18:18

Kodwa uyise uzafela izono zakhe yena ngokwakhe, ngoba wabamba ngamandla, waphanga umfowabo wenza okubi ebantwini bakibo.

Izaga 14:32

Nxa kufika ubunzima ababi bayadilika, kodwa abalungileyo balesiphephelo lasekufeni.

2 ImiLando 24:2

UJowashi wenza okulungileyo phambi kukaThixo iminyaka yonke uJehoyada engumphristi.

AbaseGalathiya 3:3

Kanti liyizithutha kangaka? Emva kokuqalisa ngoMoya, khathesi selizama ukuzuza ukuphelela ngemizamo yabantu na?

UJeremiya 34:16

Kodwa khathesi seliguquke langcolisa ibizo lami; omunye lomunye wenu usezithumbile futhi izigqili zesilisa lezesifazane elalizikhulule ukuba zizihambele lapho ezifuna khona. Selizibambe ngamandla ukuba zibe yizigqili zenu futhi.

UHezekhiyeli 17:20

Ngizamendlalela imbule lami, njalo uzabanjwa yisifu sami. Ngizamusa eBhabhiloni, ngenzele khona ukumahlulela kwami ngoba wayengathembekanga kimi.

UHezekhiyeli 33:6

Kodwa nxa umlindi ebona inkemba isiza angatshayi icilongo axwayise abantu, njalo inkemba ifike ibulale omunye wabo, lowomuntu uzasuswa ngenxa yesono sakhe, kodwa mina ngizabeka umlandu wegazi lakhe kumlindi.’