UHezekhiyeli 16:12 - IBhayibhili Elingcwele LesiNdebele

¹² ngasengifaka lesongo empumulweni yakho, lamacici ezindlebeni zakho kanye lomqhele omuhle ekhanda lakho.

iBhayibhili Elingcwele 1978

¹² Ngakufaka isongo emakhaleni, lamadikazi endlebeni zakho, lomqhele omuhle ekhanda lakho.

UHezekhiyeli 16:12 ပူးပေါင်းရင်းမြစ်များ

UGenesisi 24:47

Ngambuza ngathi, ‘Uyindodakazi kabani wena?’ Wathi, ‘Indodakazi kaBhethuweli indodana kaNahori, amzala kuMilikha.’ Ngasengimgqizisa isongo emakhaleni lezigqizo ezingalweni zakhe,

Izaga 25:12

Njengecici legolide kumbe umceciso wegolide elicengiweyo kunjalo ukukhuza komuntu ohlakaniphileyo, kolalelayo.

Ingoma 1:10

Izihlathi zakho zinhle ngokuceciswa, intamo yakho ngobuhlalu obucazimulayo.

Ingoma 1:11

Sizakwenzela amacici egolide, ebalazwe ngesiliva.

U-Isaya 28:5

Ngalolosuku uThixo uSomandla uzakuba ngumqhele okhazimulayo, umqhele wamaluba omuhle kulabo abayizinsalela zabantu bakhe.

U-Isaya 3:19

amacici, izigqizo lezimbombozo,

U-Isaya 3:21

indandatho ezilophawu lamasongo empumulo,

UJeremiya 13:18

Tshono enkosini lasendlovukazini uthi, “Yehlani ezihlalweni zenu zobukhosi lize phansi, ngoba imiqhele yenu emihle kakhulu izakuwa emakhanda enu.”

UHezekhiyeli 16:14

Udumo lwakho lwagcwala phakathi kwezizwe ngenxa yobuhle bakho, ngoba ubucwazicwazi engangikuphe bona benza ubuhle bakho baphelela, kutsho uThixo Wobukhosi.

UHezekhiyeli 16:17

Njalo wathatha leziceciso ezinhle zamatshe aligugu engakupha zona, iziceciso ezenziwa ngegolide lami lesiliva, wazenzela izithombe ezinduna wawula lazo.

UHezekhiyeli 21:26

nanku okutshiwo nguThixo Wobukhosi: Khupha iqhiye, yethula umqhele. Akuyikuba njengoba kwakunjalo: Abaphansi bazaphakanyiswa kuthi abaphakemeyo behliselwe phansi.

UHezekhiyeli 23:42

Umsindo wexuku elalithokoza wawumzungezile; amaSebhiya ayelethwe evela enkangala kanye lamadoda avela exukwini elixokozelayo, njalo bafaka amasongo ezingalweni zowesifazane lodadewabo kanye lemiqhele emihle emakhanda abo.

UHosiya 2:13

Ngizamjezisela insuku atshisela ngazo oBhali impepha; wazicecisa ngamasongo langamangqongqo, walandela izithandwa zakhe, kodwa mina wangikhohlwa,” kutsho uThixo.