UHezekhiyeli 12:25 - IBhayibhili Elingcwele LesiNdebele

²⁵ Kodwa mina Thixo ngizakhuluma engikufunayo, njalo kuzagcwaliseka ngokuphangisa. Ngoba ensukwini zakho, wena ndlu ehlamukayo ngizagcwalisa loba kuyini engikutshoyo, kutsho uThixo Wobukhosi.’ ”

iBhayibhili Elingcwele 1978

²⁵ Kodwa mina Nkosi ngizakukhuluma engikuthandayo; engikutshoyo yikho okuzakwenzeka, kungaphuzi lokho engikukhulumayo; ngizakukwenza ensukwini zenu, lina bantu abahlamukayo, kutsho iNkosi uNkulunkulu.

UHezekhiyeli 12:25 ပူးပေါင်းရင်းမြစ်များ

U-Isaya 14:24

UThixo uSomandla ufungile wathi, “Ngeqiniso, njengoba sengilungisile, kuzakuba njalo, njalo njengoba ngikumisile kuzakuma kanjalo.

U-Isaya 55:11

linjalo lelizwi lami eliphuma emlonyeni wami: kaliyikubuya kimi lize, kodwa lizafeza engikufunayo liphumelelise lokho engilithume khona.

UJeremiya 1:11

Ilizwi likaThixo lafika kimi lathi, “Kuyini okubonayo, Jeremiya?” Ngaphendula ngathi, “Ngibona ugatsha lwesihlahla se-alimondi.”

UJeremiya 16:9

Ngoba uThixo uSomandla, uNkulunkulu ka-Israyeli, uthi: Phambi kobuso bakho njalo ensukwini zakho ngizawuqeda umsindo wentokozo lokuthaba kanye lamazwi abalobokazi labayeni kule indawo.

Izililo 2:17

UThixo usekwenzile ayekuhlosile; useligcwalisile ilizwi lakhe, alikhuluma kudala. Ukuwisile engakuzweli usizi, uvumele isitha santela phezu kwakho, uluphakamisile uphondo lwezitha zakho.

UHezekhiyeli 12:26

Ilizwi likaThixo lafika kimi lisithi:

UHezekhiyeli 12:28

Ngakho wothi kubo, ‘Nanku okutshiwo nguThixo Wobukhosi: Akukho lalinye ilizwi lamazwi ami elizaphuza; loba kuyini engikutshoyo kuzagcwaliseka, kutsho uThixo Wobukhosi.’ ”

UHezekhiyeli 6:10

Njalo bazakwazi ukuthi mina nginguThixo. Kangisongelanga ize lapho ngathi ngizabehlisela umonakalo lo.

UHezekhiyeli 7:13

Umthengisi kayikuyifumana impahla eyathengiswayo, nxa owathengisayo lowathengayo besaphila, ngoba umbono ngexuku lonke kawuyikuhlehliselwa emuva. Ngenxa yezono zabo kakho lamunye wabo ozalondoloza ukuphila kwakhe.

UDanyeli 9:12

Usuwagcwalisile amazwi okusilahla njalo alahla ababusi bethu ngokusehlisela incithakalo enkulu. Ngaphansi kwalo lonke izulu kakukaze kwenziwe ulutho olulingana lalokhu osekwenziwe eJerusalema.

UHabhakhukhi 1:5

“Khangelani ezizweni libone njalo limangale kakhulu. Ngoba ensukwini zenu ngizakwenza into elingasoze liyikholwe, lanxa lingabe litsheliwe.

UHabhakhukhi 2:3

Ngoba isibonakaliso silindela isikhathi esimisiweyo; sikhuluma ngesiphetho njalo kasiyikuba ngamanga. Lanxa siphuza, silindele; sizafika impela njalo kasiyikuphuza.

UZakhariya 1:6

Kodwa amazwi ami lemithetho yami engangilaye ngakho izinceku zami abaphrofethi kakuzange kuze kubafice yini okhokho benu? Kwayikhona bephenduka besithi, ‘UThixo uSomandla wenzile kithi okufanele izindlela zethu lezenzo njengalokho amisa ukukwenza.’ ”

AmaNani 11:23

UThixo wamphendula uMosi wathi, “Kambe ingalo kaThixo imfitshane na? Uzabona-ke khathesi longabe yebo loba hayi ukuthi engikutshoyo kuzagcwaliseka kuwe.”

UMatewu 24:35

Izulu lomhlaba kuzedlula, kodwa amazwi ami kawayikwedlula lanini.”

ULukha 21:13

Lokhu kuzalenza libe ngofakazi kimi.

ULukha 21:33

Izulu lomhlaba kuzedlula, kodwa amazwi ami kawayikwedlula lanini.