UHezekhiyeli 11:8 - IBhayibhili Elingcwele LesiNdebele

⁸ Inkemba uyayesaba, njalo inkemba yiyo engizayiletha ukuba imelane lawe, kutsho uThixo Wobukhosi.

iBhayibhili Elingcwele 1978

⁸ Liwesabile umkhonto, ngizalilethela wona, kutsho iNkosi uNkulunkulu.

UHezekhiyeli 11:8 ပူးပေါင်းရင်းမြစ်များ

UJobe 20:24

Lanxa angaze abalekele isikhali sensimbi umtshoko wethusi uzamciba.

UJobe 3:25

Ebengikwesaba sekungehlele, obekungitshayisa ngovalo sekwenzakele kimi.

Izaga 10:24

Lokho akwesabayo omubi kuzamfumana; kodwa lokho akuloyisayo olungileyo uzakuphiwa.

U-Isaya 66:4

ngakho-ke lami ngizakhetha ukubaphatha kalukhuni, ngibehlisele lokho abakwesabayo. Ngoba kwathi lapho ngibiza, kakho owasabelayo, lapho ngikhuluma, kakho owalalelayo. Benza okubi phambi kwami, bakhetha okungicunulayo.”

UJeremiya 42:17

Ngempela bonke abaphitshekela ukuya eGibhithe ukuba bahlale khona bazakufa ngenkemba, indlala lesifo; kakho lamunye wabo ozasinda loba aphephe kumonakalo engizabehlisela wona.’

UJohane 11:48

Singamyekela aqhubeke ngalindlela, wonke umuntu uzakholwa kuye njalo amaRoma azakuza athathe indawo yethu lesizwe sethu.”