UHezekhiyeli 1:15 - IBhayibhili Elingcwele LesiNdebele

¹⁵ Kwathi lapho ngizikhangele izidalwa eziphilayo, ngabona ivili phansi eceleni kwesidalwa ngasinye silobuso obune.

iBhayibhili Elingcwele 1978

¹⁵ Ngisakhangele izidalwa eziphilayo ngabona amavili ngaphansi, ivili elilodwa liseceleni kwaleso laleso isidalwa.

UHezekhiyeli 1:15 ပူးပေါင်းရင်းမြစ်များ

1 AmaKhosi 7:30

Inqodlana nganye ilamavili lama-ekseli ethusi, njalo nganye ilomganu phezu kwezinsika ziceciswe ngemithando ekhandelwe inxa zonke.

UHezekhiyeli 1:6

kodwa ngasinye sazo sasilobuso obune lempiko ezine.

UHezekhiyeli 10:2

UThixo wathi emuntwini owayegqoke ilineni, “Ngena phakathi kwamavili ngaphansi kwamakherubhi. Gcwalisa izandla zakho ngamalahle atshisayo avela kumakherubhi uwahaze phezu kwedolobho.” Ngathi ngisabukele wangena.

UHezekhiyeli 10:9

Ngakhangela, ngabona amavili amane eceleni kwamakherubhi, lilinye eceleni kwekherubhi ngalinye, amavili ayecazimula njengethophazi.

UHezekhiyeli 3:13

Umdumo wezimpiko zezidalwa eziphilayo zigudlana lomdumo wamavili eceleni kwazo, umdumo wokundindizela okukhulu.

UDanyeli 7:9

“Ngisakhangele, kwabekwa izihlalo zobukhosi, uSimakade wahlala kwesakhe. Izigqoko zakhe zazimhlophe njengeqhwa; inwele zekhanda lakhe zimhlophe njengoboya bezimvu. Isihlalo sakhe sasilavuka umlilo, lamavili aso wonke evutha umlilo.

Isambulo 4:7

Isidalwa sakuqala esiphilayo sasinjengesilwane, esesibili sinjengenkabi, esesithathu sasilobuso obunjengobomuntu, esesine sasinjengokhozi oluphaphayo.