UDutheronomi 9:19 - IBhayibhili Elingcwele LesiNdebele

¹⁹ Ngesaba intukuthelo lolaka lukaThixo, ngoba wayezonde kangangokuba wayengalibhubhisa. Kodwa-ke futhi uThixo wangilalela.

iBhayibhili Elingcwele 1978

¹⁹ Ngoba ngangisesaba ukuthukuthela lolaka lwayo okwakuvutha ngenxa yenu yaze yafuna ukulibhubhisa; kodwa yangilalela langalesosikhathi.

UDutheronomi 9:19 ပူးပေါင်းရင်းမြစ်များ

AmaHubo 106:19

EHorebhi benza ithole, bakhonza isithombe esenziwe ngensimbi.

AmaHubo 106:23

Ngakho wathi uzababhubhisa aluba kungesuMosi, owakhethwayo wakhe, owema phambi kwakhe ukuvalela ulaka lwakhe ukuze angababhubhisi.

AmaHubo 78:59

Wathi uNkulunkulu ngokukuzwa lokho, wathukuthela kakhulu; wamlahla qobo lokumlahla u-Israyeli.

AmaHubo 99:6

UMosi lo-Aroni babephakathi kwabaphristi bakhe, uSamuyeli wayekulabo ababelibiza ibizo lakhe; bambiza uThixo Yena wabaphendula.

U-Eksodasi 32:14

Lapho-ke uThixo waguquka ebubini ayesemise ukubehlisela ebantwini bakhe.

U-Eksodasi 33:17

UThixo wathi kuMosi, “Ngizakwenza khona kanye lokhu okucelileyo ngoba ngiyathokoza ngawe, njalo ngikwazi ngebizo.”

U-Eksodasi 34:10

UThixo wasesithi, “Sengisenza isivumelwano lawe. Phambi kwabantu bakho bonke ngizakwenza izimangaliso ezingakaze zenziwe lanini lakusiphi isizwe emhlabeni wonke. Abantu ohlala phakathi kwabo bazabona ukuthi umangalisa njani umsebenzi, mina Thixo, engizakwenzela wona.

AmaNani 11:2

Kwathi lapho abantu sebekhale kuMosi, yena wakhuleka kuThixo ngakho umlilo wadeda.

UDutheronomi 10:10

“Ngasengihlale phezu kwentaba insuku ezingamatshumi amane lobusuku obungamatshumi amane, njengalokhu engangikwenze kuqala, lakanye uThixo wangilalela futhi okwalesosikhathi. Kwakungasikufisa kwakhe ukulibhubhisa.

UDutheronomi 11:17

Kungaba njalo ulaka lukaThixo luzavutha kini, njalo uzavala amazulu akhe ukuze kungabi lezulu elizakuna kuthi umhlaba wenu ungatheli izithelo, kuthi lina libhubhe masinyane elizweni elihle uThixo alinika lona.

UDutheronomi 9:20

UThixo wamthukuthelela u-Aroni kangangokuba wayengamtshabalalisa, kodwa-ke ngalesosikhathi laye u-Aroni ngamkhulekela.

UDutheronomi 9:8

EHorebhi lavusa ulaka lukaThixo ngalokho wazonda okokuthi wayezalibhubhisa.

AmaHebheru 12:21

Okwabonwayo kwakusesabeka kakhulu uMosi waze wathi, “Ngiyathuthumela ngenxa yokwesaba.”