UDutheronomi 9:14 - IBhayibhili Elingcwele LesiNdebele

¹⁴ Ngiyekela ukuze ngibabhubhise njalo ngesule amabizo abo ngaphansi kwamazulu. Njalo ngizakwenza ube yisizwe esilamandla futhi esikhulu kulesabo.’

iBhayibhili Elingcwele 1978

¹⁴ Ngiyekela ukuba ngibabhubhise, ngiqede ibizo labo emhlabeni; ngizakukwenza wena ube yisizwe esikhulu lesilamandla kulabo.

UDutheronomi 9:14 ပူးပေါင်းရင်းမြစ်များ

U-Ezra 9:14

Sizaphinda njalo sephule imilayo yakho sendiselane labantu bezizwe abagila imikhuba eyenyanyekayo kangaka na? Ungaze wasizondela kakhulu na usibhubhise ungasitshiyeli lansalela loba abasindileyo na?

AmaHubo 106:23

Ngakho wathi uzababhubhisa aluba kungesuMosi, owakhethwayo wakhe, owema phambi kwakhe ukuvalela ulaka lwakhe ukuze angababhubhisi.

AmaHubo 109:13

Sengathi izizukulwane zakhe zingaphela, amabizo abo esulwe esizukulwaneni esilandelayo.

AmaHubo 9:5

Uzikhuzile izizwe, wababhubhisa ababi; wawesula amabizo abo kuze kube nini lanini.

Izaga 10:7

Umkhumbulo ngomuntu olungileyo ubusisekile kodwa ibizo lesigangi lizabola.

U-Isaya 48:19

Inzalo yakho yayizakuba ngangetshebetshebe, abantwabakho babe ngangezinhlamvu zalo ezingeke zibalwe; ibizo labo belingayikwesulwa kumbe lidilizwe phambi kwami.”

UJeremiya 14:11

UThixo wasesithi kimi, “Ungakhulekeli inhlalakahle yabantu laba.

UJeremiya 15:1

UThixo wasesithi kimi, “Lanxa uMosi loSamuyeli bengema phambi kwami, inhliziyo yami ingeke iphendukele kulababantu. Basuse phambi kwami! Kabahambe!

UJeremiya 7:16

Ngakho abantu laba ungabakhulekeli loba ubakhulumele kumbe ubenzele isicelo; ungangincengi ngoba angiyikukulalela.

Imisebenzi 7:51

Lina ziqholo zabantu, abanhliziyo lezindlebe ezingasokanga! Lifuze oyihlo: Lihlezi lijamelene loMoya oNgcwele!

UDutheronomi 29:20

UThixo kazimiselanga ukumthethelela; ulaka lwakhe kanye lokutshiseka kwakhe kuzavutha phezu kwalowomuntu. Zonke iziqalekiso ezilotshwe kule incwadi zizakwehlela phezu kwakhe, njalo uThixo uzacitsha ibizo lakhe ngaphansi kwezulu.

UDutheronomi 32:26

Ngithe ngizabachitha ngisuse imbali yabo bakhohlakale emhlabeni,

Isambulo 3:5

Lowo onqobayo uzagqoka ezimhlophe njengabo. Ibizo lakhe kangisoze ngilesule encwadini yokuphila, kodwa ibizo lakhe ngizalivuma phambi kukaBaba lezingilosi zakhe.