UDutheronomi 5:24 - IBhayibhili Elingcwele LesiNdebele

²⁴ Lathi, ‘UThixo wethu usitshengisile inkazimulo yakhe kanye lobukhosi bakhe, njalo silizwile ilizwi lakhe livela elangabini lomlilo. Lamuhla sesibonile ukuthi umuntu angaphila noma eke wakhuluma loNkulunkulu.

iBhayibhili Elingcwele 1978

²⁴ lathi: Khangelani, iNkosi uNkulunkulu wethu isitshengisile inkazimulo yayo lobukhulu bayo, salizwa lelizwi layo livela phakathi komlilo; lamhla sibonile ukuthi umuntu angakhuluma loNkulunkulu aphile.

UDutheronomi 5:24 ပူးပေါင်းရင်းမြစ်များ

UGenesisi 32:30

Ngakho uJakhobe wabiza indawo leyo ngokuthi yiPheniyeli esithi, “Kungoba ngimbonile uNkulunkulu ubuso ngobuso, kodwa impilo yami kayilinyazwanga.”

UGenesisi 32:31

Ilanga lamphumela esedlula ePheniweli, ehamba eqhugezela ngenxa yenyonga yakhe.

U-Eksodasi 19:19

Njalo umsindo wecilongo waya ulokhu ukhula. UMosi wakhuluma, kwathi ilizwi likaNkulunkulu lamphendula.

U-Eksodasi 20:22

UThixo wathi kuMosi, “Tshela abantu bako-Israyeli uthi, ‘Lizibonele lina ngokwenu ukuthi ngikhulume lani ngisezulwini.

U-Eksodasi 33:20

UThixo waqhubeka wathi, “Kodwa, ubuso bami awungeke ububone, ngoba kakho ongangibona aphile.”

AmaNani 14:14

Ngakho bazatshela abakhileyo kulelilizwe ngalesisehlakalo. Bavele sebezwile ukuthi wena, Oh Thixo, ulabo lababantu njalo lokuthi wena, Thixo, ubonakale uqondene labo ubuso ngobuso, lokuthi iyezi lakho lihlala liphezu kwabo, njalo lokuthi uhamba phambi kwabo ngensika yeyezi lakho emini kuthi ebusuku ngensika yomlilo.

UDutheronomi 32:3

Ngizaliphakamisa ibizo likaThixo. Yebo dumisani ubukhulu bukaNkulunkulu wethu!

UDutheronomi 4:33

Sikhona na esinye isizwe esake sezwa uNkulunkulu ekhuluma ephakathi kwelangabi lomlilo, njengalokhu eselikuzwile, saphila na?

UDutheronomi 5:23

Lathi lisizwa ilizwi livela emnyameni, intaba ivutha amalangabi omlilo, wonke amadoda angabakhokheli labadala bezizwana zenu beza kimi.

UDutheronomi 5:25

Kodwa khathesi, kanti sizafelani pho? Umlilo omkhulu kangaka uzasiqeda du, njalo sizakufa nxa singaphinda sizwe ilizwi likaThixo uNkulunkulu wethu.

Abahluleli 13:22

Wasesithi kumkakhe, “Silahliwe, sizakufa. Sibone uNkulunkulu!”