UDutheronomi 32:30 - IBhayibhili Elingcwele LesiNdebele

³⁰ Kungenzeka njani ukuthi umuntu oyedwa axotshane lenkulungwane, loba ababili basukele izinkulungwane ezilitshumi zibaleke na, ngaphandle kokuthi iDwala labo nxa labathengisa; langaphandle kokuthi uThixo wabo esebahlanekele?

iBhayibhili Elingcwele 1978

³⁰ Uba umuntu emunye angaxotsha kanjani abayinkulungwane, lababili bangabadudula kanjani abazinkulungwane ezilitshumi, uba iDwala labo lingabathengisanga, leNkosi ingabanikelanga na?

UDutheronomi 32:30 ပူးပေါင်းရင်းမြစ်များ

1 AmaKhosi 14:16

Njalo uzamlahla u-Israyeli ngenxa yezono zikaJerobhowamu azenzileyo wakhokhelela lo-Israyeli ukuzenza.”

2 AmaKhosi 7:5

Kusihlwa baya enkambeni yama-Aramu. Bathe befika eduzane lenkamba, bananzelela ukuthi kwakungaselamuntu loyedwa,

1 ImiLando 12:14

Amadoda akoGadi ayengabalawuli bamabutho, kuthi omncinyane wabo wayengamelana labalikhulu kodwa omkhulu wabo engamelana labayinkulungwane.

2 ImiLando 24:24

Kwathi loba impi yama-Aramu yayikade ize lamadoda amalutshwana, uThixo wanikela ezandleni zawo ibutho elikhulu kakhulu. Njengoba abakoJuda babemlahlile uThixo, uNkulunkulu wabokhokho babo, uJowashi wehlulelwa ngokufaneleyo.

UJobe 11:10

Nxa engeza lapha akuphosele entolongweni abize inkundla, ngubani ongamphikisa na?

UJobe 16:11

UNkulunkulu usenginikele ebantwini ababi wangiphosela ezandleni zezigangi.

AmaHubo 31:8

Kawungifuqelanga esitheni kodwa ugxilise inyawo zami endaweni ebanzi.

AmaHubo 44:12

Wathengisa abantu bakho ngengcosana nje awazuza lutho ngalokho kuthengisa.

U-Isaya 30:17

Abayinkulungwane bazabaleka besongelwe ngoyedwa nje; ekusongeni kwabahlanu, lizabaleka lonke, lize lisale linjengensika yophawu lwelizwe elisengqongeni yentaba, lanjengesiboniso phezu koqaqa.”

U-Isaya 50:1

Nanku okutshiwo nguThixo: “Ingaphi incwadi kanyoko yokuchitha umtshado engamxotsha ngayo na? Kumbe nguphi kwababelezikwelede zami engamthengisayo na? Lathengiswa ngenxa yezono zenu, lonyoko waliwa ngenxa yokona kwenu.

U-Isaya 52:3

Ngoba nanku okutshiwo nguThixo: “Lathengiswa ngeze, njalo lizahlengwa kungekho mali.”

ULevi 26:7

Lizazixotsha izitha zenu, ziwe ngenkemba phambi kwenu.

ULevi 26:8

Abahlanu benu bazaxotsha abalikhulu, kuthi abalikhulu benu baxotshe abayinkulungwane, njalo izitha zenu zizakuwa ngenkemba phambi kwenu.

UMatewu 18:25

Kwathi ngoba ingelamandla okuhlawula inkosi yalaya ukuthi yona, umkayo, abantwana lakho konke eyayilakho kuthengiswe ukuze kuqedwe umlandu.

UDutheronomi 32:4

UliDwala, imisebenzi yakhe iphelele, njalo zonke izindlela zakhe zilungile. UNkulunkulu othembekileyo ongenzi okubi, uqotho njalo ulungile yena.

UJoshuwa 23:10

Oyedwa wenu uyenelisa ukwehlula abantu abayinkulungwane eyodwa ngenxa yokuthi uThixo uNkulunkulu wenu uyalilwela njengokuthembisa kwakhe.

Abahluleli 2:14

Ekubathukutheleleni kwakhe uThixo wabanikela ezandleni zababahlaselayo lababaphangayo. Wabanikela ezitheni zabo ezazibahanqile, ababengasenelisi ukumelana lazo.

Abahluleli 3:8

Ulaka lukaThixo lwavuthela abako-Israyeli waze wabanikela ezandleni zikaKhushani-Rishathayimi inkosi yase-Aramu Naharayimu, lapho abantu bako-Israyeli ababangaphansi kombuso wayo iminyaka eyisificaminwembili.

1 USamuyeli 2:2

Kakho ongcwele njengoThixo; kakho omunye ngaphandle kwakho; akulaDwala elinjengo-Nkulunkulu wethu.