UDutheronomi 30:14 - IBhayibhili Elingcwele LesiNdebele

¹⁴ Akunjalo, ilizwi liseduzane lawe kakhulu, lisemlonyeni wakho lasenhliziyweni yakho ukuze ulilalele.

iBhayibhili Elingcwele 1978

¹⁴ Kodwake ilizwi liseduze lani, lisemilonyeni yenu lenhliziyweni zenu ukuba liligcine.

UDutheronomi 30:14 ပူးပေါင်းရင်းမြစ်များ

UJeremiya 12:2

Ubahlanyele, njalo sebemilile; bayakhula bathele izithelo. Bahlezi bekhuluma ngawe, kodwa ezinhliziyweni zabo ukhatshana.

UHezekhiyeli 2:5

Njalo langabe bayalalela loba bangalaleli ngoba bayindlu ehlamukayo, bazakwazi ukuthi umphrofethi ubekhona phakathi kwabo.

UHezekhiyeli 33:31

Abantu bami bayafika kuwe, njengabajayele ukukwenza, bahlale phambi kwakho ukuba bezwe amazwi akho, kodwa akutshoyo kabakwenzi. Ngemilomo yabo batsho ukuzinikela, kodwa inhliziyo zabo zihawukela inzuzo engafanelanga.

UHezekhiyeli 33:33

Nxa konke lokhu sekugcwalisekile njalo impela kuzakwenzakala, lapho-ke bazakwazi ukuthi umphrofethi ubekhona phakathi kwabantu.”

UMatewu 7:21

“Kakusibo bonke abathi kimi, ‘Nkosi, Nkosi’ abazangena embusweni wezulu, kodwa ngulowo kuphela owenza intando kaBaba osezulwini.

UJohane 5:46

Kube lamkholwa uMosi, ngabe liyangikholwa ngoba wabhala ngami.

Imisebenzi 13:26

Bazalwane, bantwana baka-Abhrahama lani beZizwe elimesabayo uNkulunkulu, lelilizwi lensindiso selithunyelwe kithi.

UDutheronomi 30:13

Kanti njalo akukho ngaphetsheya kolwandle, okungabangela ukuthi libuze lithi, ‘Ngubani ozachapha ulwandle ayesithathela ukuze akwethule kithi sibe lakho ukukulandela sikwenze na?’

UDutheronomi 30:15

Khangelani, ngiletha phambi kwenu lamuhla ukuphila lokuphumelela, ukufa lokubhidlika.