UDutheronomi 24:20 - IBhayibhili Elingcwele LesiNdebele

²⁰ Nxa ubhula ama-oliva ezihlahleni zakho ungabuyeli ukuhlola amagatsha njalo. Okuseleyo tshiyela owezizweni, intandane lomfelokazi.

iBhayibhili Elingcwele 1978

²⁰ Nxa usukhile izihlahla zakho zeoliva, ungaphindi ukukha okuseleyo ezingatsheni; lokho kuzakuba ngokowemzini lokwentandane lokomfelwakazi.

UDutheronomi 24:20 ပူးပေါင်းရင်းမြစ်များ

ULevi 19:10

Lingakhi izithelo ezivinini zenu kabili kumbe lidobhe ezikhithikileyo. Zitshiyeleni abayanga lezihambi. Mina nginguThixo uNkulunkulu wenu.

ULevi 19:9

Lapho libutha isivuno samasimu enu, lingabuthi konke kuze kube semaphethelweni ensimu kumbe lize liqede konke.

UDutheronomi 24:19

Nxa uvuna ensimini yakho ube usutshiya isikhwebu, ungabuyeli emuva ukuyasithatha, sitshiyele owezizweni, intandane, lomfelokazi, ukuze uThixo uNkulunkulu wakho akubusise kuwo wonke umsebenzi wezandla zakho.

UDutheronomi 24:21

Nxa uvuna izithelo zesivini sakho, ungabuyeleli futhi ukuvuna lapho osuvune khona. Okuseleyo tshiyela owezizweni, intandane lomfelokazi.