UDutheronomi 21:18 - IBhayibhili Elingcwele LesiNdebele

¹⁸ “Nxa indoda ilendodana eyisiqholo njalo engumhlamuki engalaleli uyise lonina nxa beyikhuza,

iBhayibhili Elingcwele 1978

¹⁸ Uba umuntu elendodana elenkani lengezwayo, engalaleli ilizwi likayise lelikanina, ingabezwa lanxa beyitshaya,

UDutheronomi 21:18 ပူးပေါင်းရင်းမြစ်များ

2 USamuyeli 7:14

Ngizakuba nguyise, yena abe yindodana yami. Angenza okubi ngizamjezisa ngomqwayi wabantu, ukuklebhula okwenziwa ngabantu.

U-Eksodasi 20:12

Hlonipha uyihlo lonyoko ukuze impilo yakho ibende elizweni akunika lona uThixo uNkulunkulu wakho.

U-Eksodasi 21:15

Wonke umuntu ohlasela uyise kumbe unina kumele abulawe.

U-Eksodasi 21:17

Wonke umuntu othuka uyise kumbe unina kumele abulawe.

Izaga 1:8

Lalela, ndodana yami, izeluleko zikayihlo njalo ungadeli imfundiso kanyoko.

Izaga 13:24

Lowo ongasebenzisi uswazi uyayizonda indodana yakhe, kodwa lowo oyithandayo unqinekela ukuyiqondisa.

Izaga 15:5

Isiwula siyakulahla ukulaya kukayise, kodwa owemukela ukuqondiswa uveza ukuhlakanipha.

Izaga 19:18

Qondisa indodana yakho, ngoba lokho kuzayisiza; ungabi lengxenye yokuyibulala.

Izaga 20:20

Nxa umuntu ethuka uyise loba unina, isibane sakhe sizacinywa abesemnyameni omubi.

Izaga 22:15

Ubuwula bugxilile enhliziyweni yomntwana, kodwa uswazi lokuqondisa luzabuxotshela khatshana.

Izaga 28:24

Lowo ontshontshela uyise loba unina athi, “Akusinto embi” ungumngane lomuntu obhidlizayo.

Izaga 29:17

Qondisa indodana yakho, izakupha ukuthula; izaletha injabulo emphefumulweni wakho.

Izaga 30:11

Bakhona abathuka oyise, abangababusisiyo onina;

Izaga 30:17

Ilihlo elihleka uyise, elidelela ukulalela unina, lizakotsholwa ngamawabayi asesigodini, lizadliwa ngamanqe.

U-Isaya 1:2

Zwanini, mazulu! Lalelani, mhlaba! Ngoba uThixo usekhulumile: “Ngondla abantwana ngabakhulisa, kodwa sebengihlamukele.

U-Isaya 1:5

Kungani kumele litshaywe futhi? Kungani liqhubeka ngokuhlamuka? Ikhanda lakho lonke lilimele, yonke inhliziyo yakho ihlukuluziwe.

UJeremiya 31:18

Ngikuzwile impela ukukhala kuka-Efrayimi esithi: ‘Wangitshaya njengethole elingathambanga, njalo sengajeziseka. Ngibuyisa, njalo ngizabuya, ngoba unguThixo uNkulunkulu wami.

UJeremiya 5:23

Kodwa abantu laba balezinhliziyo ezilukhuni ezihlamukayo, baphambukile, balahleka.

UJeremiya 5:3

Awu Thixo, amehlo akho kawadingi qiniso na? Wabatshaya, kodwa kabezwanga buhlungu, wabahlifiza, kodwa bala ukuqondiswa. Benza ubuso babo baba lukhuni kulamatshe, bala ukuphenduka.

UHezekhiyeli 22:7

Phakathi kwakho iphathe uyise lonina ngokweyisa; phakathi kwakho incindezele abezizweni, njalo yaphatha kubi izintandane labafelokazi.

UHezekhiyeli 24:13

Khathesi ukungcola kwakho yisigwebo. Ngoba ngizamile ukukuhlambulula kodwa ubungeke uhlanjululwe ekungcoleni kwakho, kawuyikuhlambuluka futhi ukukuthukuthelela kwami kuze kudede.

ULevi 19:3

Ngulowo lalowo kini kahloniphe unina loyise, njalo kumele ligcine amaSabatha ami. Mina nginguThixo uNkulunkulu wenu.

ULevi 21:9

Nxa indodakazi yomphristi izingcolisa ngokuba yisifebe, iyangisa uyise; kayitshiswe ngomlilo.

UDutheronomi 21:19

uyise lonina bazayibamba bayise ebadaleni esangweni ledolobho lakibo.

UDutheronomi 27:16

‘Kaqalekiswe umuntu othelela uyise loba unina ihlazo.’ Ngakho abantu bonke bazakuthi, ‘Ameni!’

UDutheronomi 8:5

Gcinani lokhu ezinhliziyweni zenu lazi ukuthi njengendoda ikhuza indodana yayo, ngokufananayo uThixo uNkulunkulu wenu uyalikhuza.

1 USamuyeli 3:13

Ngoba ngamtshela ukuthi ngizakwahlulela indlu yakhe okulaphakade ngenxa yesono ayesazi; amadodana akhe ayehlambaza uNkulunkulu, yena wehluleka ukuwakhuza.