UDutheronomi 2:8 - IBhayibhili Elingcwele LesiNdebele

⁸ Ngakho sahamba sedlula ezihlotsheni zethu isizukulwane sika-Esawu abahlala eSeyiri. Saphenduka sisuka emgwaqweni wase-Arabha okhwela usuka e-Elathi le-Eziyoni-Gebheri, sahamba ngomgwaqo wenkangala yaseMowabi.

iBhayibhili Elingcwele 1978

⁸ Ngakhoke saqhubeka, sadlula izihlobo zethu, abantwana bakaEsawu abakhileyo eSeyiri, satshiya indlela yaseAraba esuka eElathi leEziyoni‐Geberi. Saphenduka, sahamba ngendlela eya enkangala yaseMowabi.

UDutheronomi 2:8 ပူးပေါင်းရင်းမြစ်များ

UGenesisi 25:23

UThixo wathi kuye, “Izizwe ezimbili zisesiswini sakho, njalo abantu ababili phakathi kwakho bazakwehlukaniswa; omunye uzakuba lamandla kulomunye, kuthi omdala uzakhonza omncinyane.”

1 AmaKhosi 9:26

INkosi uSolomoni wakha njalo imikhumbi e-Eziyoni-Gebheri, eseduzane le-Elathi ngase-Edomi, ekhunjini loLwandle oluBomvu.

2 AmaKhosi 14:22

Nguye owakha kutsha i-Elathi walibuyisela koJuda ngemva kokuphumula kukayise labokhokho bakhe.

2 AmaKhosi 16:6

Ngalesosikhathi, uRezini inkosi yase-Aramu, wahluthuna i-Elathi wayibuyisela kuma-Aramu ngokududula abantu bakoJuda. Ama-Edomi ahle angena e-Elathi ahlala khona kuze kube lamuhla.

AmaNani 21:4

Bahamba besuka entabeni yaseHori ngendlela eqonda oLwandle oluBomvu, ukuze baceze ilizwe lase-Edomi. Kodwa besendleleni abantu basebenengekile sebephelelwe yikubekezela;

AmaNani 33:35

Basuka e-Abhurona bayamisa e-Eziyoni-Gebheri.

UDutheronomi 1:1

La ngamazwi akhulunywa nguMosi kubo bonke abako-Israyeli enkangala, empumalanga yeJodani, lokhu kuyikuthi, e-Arabha, maqondana leSufi, phakathi kwePharani leThofeli, eLabhani, eHazerothi kanye laseDizahabi.

Abahluleli 11:18

Emva kwalokho bahamba bedabula phakathi kwenkangala, beceza ilizwe lase-Edomi lelaseMowabi, badlula beseceleni elingasempumalanga kwelizwe laseMowabi, bamisa ngakwelinye icele le-Arinoni. Kabangenanga elizweni laseMowabi, ngoba i-Arinoni yayingumngcele walo.