UDutheronomi 15:11 - IBhayibhili Elingcwele LesiNdebele

¹¹ Kuzahlala kulokhu kulabantu abangabayanga elizweni. Ngakho ngiyalilaya ukuba phanini ngezandla ezivulekileyo kubafowenu kanye lakubo bonke abangabayanga labaswelayo elizweni lenu.”

iBhayibhili Elingcwele 1978

¹¹ Abayanga kabasoze baphele elizweni. Ngakho ngiyalilaya ngithi: Phanani abantu bakini, abaswelayo labangabayanga abaselizweni lakini.

UDutheronomi 15:11 ပူးပေါင်းရင်းမြစ်များ

U-Eksodasi 23:11

kodwa kuzakuthi ngomnyaka wesikhombisa liyekele amasimu enu alaluke engalinywanga. Ngakho abangabayanga phakathi kwenu bazazuza ukudla kuwo, kuthi lezinyamazana zeganga zidle okuseleyo. Lizakwenza njalo okufananayo ngezivini zenu kanye lezihlahla zenu zama-oliva.

Izaga 19:17

Olomusa kubayanga upha uThixo, uzamupha umvuzo ngalokho akwenzayo.

Izaga 22:2

Abanothileyo labayanga bayafanana ngalokhu: UThixo unguMenzi wabo bonke.

Izaga 31:20

Welulela izandla zakhe kubayanga njalo ulezandla ezilula kwabaswelayo.

UHezekhiyeli 18:7

Kancindezeli muntu kodwa uyabuyisela akuthathayo njengesibambiso sokwebolekwayo. Kabenzi ubuphangi kodwa unika abalambileyo ukudla kwakhe labanqunu abanike izigqoko.

UMatewu 26:11

Abampofu lizahlala lilabo kokuphela, kodwa kalisoze libe lami kokuphela.

UMatewu 5:42

Muphe lowo ocela kuwe njalo ungamfulatheli lowo ofuna ukweboleka kuwe.”

UMakho 14:7

Abampofu lizahlala lilabo, yikho lingabasiza noma yisiphi isikhathi elisifunayo. Kodwa kalisoze libe lami kokuphela.

ULukha 12:33

Thengisani impahla yenu liphe abampofu. Zidingeleni izikhwama ezingagugiyo, inotho ezulwini engayikuphela, lapho okungasondeli khona isela loba impehlane engabhubhisi khona.

UJohane 12:8

Lizahlala lilabo abampofu phakathi kwenu kodwa mina kaliyikuhlala lilami.”

Imisebenzi 2:45

Athengisa izinto zawo lempahla zawo anika loba ngubani oswelayo.

UDutheronomi 15:7

Nxa ekhona ongumyanga phakathi kwabafowenu emadolobheni la uThixo uNkulunkulu wenu alinika wona lasemazweni eliwaphiweyo, lingabi lezinhliziyo ezilukhuni loba ukuba ngabancitshanayo kumfowenu ongumyanga.

UDutheronomi 15:8

Kuhle ukuthi libe ngabaphanayo limeboleke ngokukhululeka loba yini ayiswelayo.