UDutheronomi 1:21 - IBhayibhili Elingcwele LesiNdebele

²¹ Khangelani, uThixo uNkulunkulu wenu uselinike lelilizwe. Hambani lilithumbe njengoba uThixo, uNkulunkulu wabokhokho benu alitshela. Lingesabi; lingadangali.’

iBhayibhili Elingcwele 1978

²¹ Khangelani, iNkosi uNkulunkulu wenu ilivulile ilizwe phambi kwenu; hambani lilithumbe, njengokulilaya kwayo iNkosi, uNkulunkulu wabokhokho benu; lingesabi, lingakhathazeki.

UDutheronomi 1:21 ပူးပေါင်းရင်းမြစ်များ

UNehemiya 9:15

Ngesikhathi belambile wabapha isinkwa sivela ezulwini njalo ekomeni kwabo wabalethela amanzi ephuma edwaleni; wabatshela ukuthi bangene balithathe ilizwe owafunga uphakamisa isandla ukubapha.

AmaHubo 46:1

UNkulunkulu uyisiphephelo sethu lamandla ethu, usizo oluhlezi lukhona nxa kulohlupho.

AmaHubo 46:11

UThixo uSomandla ulathi, uNkulunkulu kaJakhobe uyinqaba yethu.

AmaHubo 46:7

UThixo uSomandla ulathi; uNkulunkulu kaJakhobe uyinqaba yethu.

U-Isaya 41:10

Ngakho ungesabi, ngoba ngilawe; ungakhathazeki, ngoba nginguNkulunkulu wakho. Ngizakuqinisa, ngikusize; ngizakusekela ngesandla sami sokudla esiqotho.

AmaNani 13:30

Emva kwalokho uKhalebi wathulisa abantu phambi kukaMosi wasesithi, “Kufanele ukuthi sihambe siyethatha ilizwe leli libe ngelethu, ngoba singakwenza sibili.”

ULukha 12:32

Lingesabi, mhlambi omncane, ngoba uYihlo uthandile ukulipha umbuso.

UDutheronomi 1:20

Ngakho ngathi kini, ‘Selifikile elizweni lama-Amori elamaqaqa, ilizwe uThixo uNkulunkulu wethu asinika lona.

UDutheronomi 20:1

“Lapho liphuma ukuyakulwa lesitha senu empini libe selibona amabhiza lezinqola kanye lebutho elikhulu ukwedlula elenu, lingabesabi, ngoba uThixo uNkulunkulu wenu, owalikhupha eGibhithe, uzakuba lani.

UDutheronomi 20:3

Uzakuthi: ‘Zwana, wena Israyeli, namuhla liya ekuhlaseleni izitha zenu. Lingapheli amandla kumbe lesabe; lingatshaywa luvalo njalo lethuke phambi kwabo.

UDutheronomi 31:6

Qinani libe lesibindi. Lingesabi lithithibale ngenxa yabo, ngoba uThixo uNkulunkulu wenu uhamba lani, kayikulitshiya njalo kayikulifulathela.”

UDutheronomi 7:18

Kodwa lingazesabi; khumbulani ukuthi uThixo uNkulunkulu wenu wenzani kuFaro kanye lakulo lonke elaseGibhithe.

UDutheronomi 7:21

Lingabesabi, ngoba uThixo uNkulunkulu wenu ophakathi kwenu, nguThixo omkhulu njalo owesabekayo.

UDutheronomi 9:23

Kanti uThixo wathi elisusa eKhadeshi Bhaneya, wathi, ‘Qhubekani njalo liyethatha ilizwe engilinike lona.’ Kodwa lahlamukela umlayo kaThixo uNkulunkulu wenu. Alizange limethembe loba ukumlalela.

AmaHebheru 13:6

Ngakho siyatsho ngethemba sithi: “INkosi ingumsizi wami; kangiyikwesaba. Umuntu angenzani kimi na?”

UJoshuwa 1:6

Qina ube lesibindi ngenxa yokuthi uzakhokhela abantu laba ukuze bayethatha ilizwe elilifa labo engafunga kubokhokho babo ukuthi ngizabanika lona.

UJoshuwa 1:9

Angikulayanga na? Qina ube lesibindi, ungethuki njalo ungalahli ithemba, ngoba uThixo uNkulunkulu wakho uzakuba lawe loba kungaphi lapho oya khona.”