UDanyeli 6:24 - IBhayibhili Elingcwele LesiNdebele

²⁴ Inkosi yalaya ukuthi balethwe labo ababemangalele uDanyeli ngamanga baphoselwa emgodini wezilwane kanye labafazi babo labantwababo. Bathi bengakathinti phansi emgodini izilwane zabaqaga zabafohloza wonke amathambo abo.

iBhayibhili Elingcwele 1978

²⁴ Inkosi yasilaya ukuba kulethwe lawomadoda ayemmangelele uDaniyeli, aphoselwe emgodini wezilwane, wona labantwana bawo labomkawo. Kwathi bengakafiki ekucineni komgodi, izilwane zabaqaga, zafohloza wonke amathambo abo, aba yizicucu.

UDanyeli 6:24 ပူးပေါင်းရင်းမြစ်များ

2 AmaKhosi 14:6

Kodwa kasabulalanga amadodana alabo ababulala uyise inkosi, njengokulotshiweyo eNcwadini yoMthetho kaMosi lapho uThixo alaya khona wathi: “Abazali abayikufela abantwababo, loba abantwana bafele abazali babo; ngulowo lalowo uzafela isono sakhe.”

U-Esta 7:10

Bamlengisa kuleyonsika ayeyilungisele ukulengisa uModekhayi. Ulaka lwenkosi lwaseludeda.

U-Esta 9:10

amadodana alitshumi kaHamani indodana kaHamedatha, isitha samaJuda. Kodwa abazange bayithathe impango.

U-Esta 9:25

Kodwa kwathi icebo lelo selivelile enkosini, yathumela imilayo ebhaliweyo ukuthi amaqhinga amabi kaHamani ayekade ewamisele amaJuda acine esephendukela yena, njalo yena lamadodana akhe balengiswe endaweni eyakhelwe lokho.

AmaHubo 54:5

Akuthi ububi bubuyele phezu kwalabo abangigconayo; ngokuthembeka kwakho babhubhise.

Izaga 11:8

Umuntu olungileyo uyakhululwa enkathazweni, kusuke kuyewela komubi.

Izaga 19:9

Umfakazi wamanga uthola isijeziso, njalo lowo ohutshuza amanga uzabhubha.

U-Isaya 38:13

Ngalinda ngokubekezela kwaze kwasa, kodwa amathambo ami uwephule wonke njengesilwane; emini lebusuku ungenze ngaphela.

UJeremiya 34:17

Ngakho, lokhu yikho uThixo akutshoyo: Kalingilalelanga; kalimemezelanga ukukhululwa kwabantu belizwe lakini. Ngakho khathesi ngimemezela ‘inkululeko’ yenu, kutsho uThixo, ‘inkululeko’ yokubulawa ngenkemba, yisifo lendlala. Ngizalenza linengeke kuyo yonke imibuso yomhlaba.

UDanyeli 3:22

Umlayo wenkosi wawuthukuthele kakhulu lesithando somlilo sitshisa okokuthi amalangabi omlilo awabulala amanxusa ayefuqela oShadreki, loMeshaki lo-Abhediniko,

UDutheronomi 24:16

Abazali abayikufela abantwababo, loba abantwana bafele abazali babo; ngulowo lalowo uzafela isono sakhe.