UDanyeli 5:21 - IBhayibhili Elingcwele LesiNdebele

²¹ Yaxotshwa ebantwini yaphiwa ingqondo yenyamazana; yahlala labobabhemi beganga, yadla utshani njengezinkomo; lomzimba wayo wagxanxwa ngamazolo omkhathi yaze yavuma ukuthi uNkulunkulu oPhezukonke nguye uThixo phezu kwemibuso yabantu, abeke phezu kwayo loba nguphi umbusi amthandayo.

iBhayibhili Elingcwele 1978

²¹ Waxotshwa ebantwini, lengqondo yakhe yenziwa yafanana leyenyamazana, wahlala labobabhemi beganga, wadla utshani njengenkomo, lomzimba wakhe wathanjiswa ngamazolo aphezulu, waze wazi ukuthi uNkulunkulu oPhezukonke uyabusa umbuso wabantu, abeke kuwo lowo athanda ukumbeka.

UDanyeli 5:21 ပူးပေါင်းရင်းမြစ်များ

UJobe 39:5

Ngubani owakhulula ubabhemi weganga na? Ngubani owathukulula igoda lakhe na?

UHezekhiyeli 17:24

Zonke izihlahla zeganga zizakwazi ukuthi mina Thixo ngifinyeza isihlahla eside ngenze esifitshane sikhule sibeside. Ngomisa isihlahla esiluhlaza ngenze esomileyo sihlume. Mina Thixo sengikhulumile, njalo ngizakwenza.’ ”

UDanyeli 4:14

Samemeza ngelizwi elikhulu sathi: Gamulelani phansi isihlahla licakaze amagatsha aso; liwaphundle amahlamvu aso lihlakaze izithelo zaso. Yekelani izinyamazana zibaleke ngaphansi kwaso kanye lezinyoni emagatsheni aso.

UDanyeli 4:17

“ ‘Isinqumo lesi sibikwa yizithunywa, zona ezingcwele yizo ezimemezela lesi isigwebo, ukuze kuthi abaphilayo bazi ukuthi oPhezukonke unguThixo yemibuso yabantu njalo uyabanikela loba kukubani amfunayo futhi enze babuswe ngumuntukazana.’

UDanyeli 4:22

wena, Oh nkosi, uyilesosihlahla! Usube mkhulu waba lamandla; ubukhulu bakho sebandile sebuze buthinta isibhakabhaka, lombuso wakho usufinyelela ezindaweni ezikude ezomhlaba.

UDanyeli 4:25

Uzaxotshwa ebantwini uyehlala lezinyamazana zeganga: uzakudla utshani njengezinkomo, ugxanxwe ngamazolo aphezulu. Kuzakudlula iminyaka eyisikhombisa uze uvume ukuthi oPhezukonke uyabusa phezu kwemibuso yabantu ayinika ingqe ngulowo amthandayo.

UDanyeli 4:26

Umlayo wokutshiya isidindi kanye lezimpande zaso utsho ukuthi umbuso wakho uzabuyiselwa kuwe nxatshana usuvuma ukuthi iZulu liyabusa.

UDanyeli 4:34

Ekupheleni kwalesosikhathi, mina, Nebhukhadineza, ngaphakamisela amehlo ami ezulwini, ingqondo yami yabuya. Ngasengimdumisa oPhezukonke; ngambabaza, ngambonga yena ohlezi kuze kube phakade. Ubukhosi bakhe buyibukhosi baphakade; umbuso wakhe umi kulesi lakulesiyana isizukulwane.

UDanyeli 4:35

Imihlobo yonke yabantu bomhlaba ibonakala ingesilutho. Wenza njengokuthanda kwakhe ezidalweni zasezulwini lasebantwini abasemhlabeni. Kakho ongasivimbela isandla sakhe loba athi kuye: “Kanti wenzani na?”

UDanyeli 4:37

Ngakho-ke mina, Nebhukhadineza, ngiyayidumisa njalo ngiyayibabaza, ngiyiphakamise iNkosi yezulu, ngoba konke ekwenzayo kuqondile futhi lezindlela zayo zonke zilungile. Njalo bonke abazigqajayo iyabathobisa.

UDanyeli 5:18

Yebo kambe nkosi, uNkulunkulu oPhezukonke wanika uyihlo uNebhukhadineza ubukhosi lobukhulu lodumo kanye lenkazimulo.