Isambulo 12:10 - IBhayibhili Elingcwele LesiNdebele

¹⁰ Ngasengisizwa ilizwi elikhulu ezulwini lisithi: “Khathesi ukusindiswa sekufikile lamandla kanye lombuso kaNkulunkulu wethu kanye lobukhosi bukaKhristu wakhe. Ngoba umangaleli wabazalwane bethu, obamangalelayo phambi kukaNkulunkulu wethu emini lebusuku, usephoselwe phansi.

iBhayibhili Elingcwele 1978

¹⁰ Ngasengisizwa ilizwi elikhulu ezulwini lisithi: Khathesi ukunqoba lamandla lobukhosi ngokukaNkulunkulu wethu, lokubusa kukaKristu wakhe, sekufikile; ngoba uphoselwe phansi ummangaleli wabazalwane bethu obamangalelayo emini lebusuku phambi kukaNkulunkulu.

Isambulo 12:10 ပူးပေါင်းရင်းမြစ်များ

1 ImiLando 29:11

Bungobakho, Oh Thixo, ubukhulu lamandla lodumo lobukhosi lenkazimulo, ngoba konke okusezulwini lokusemhlabeni kungokwakho. Bungobakho, Oh Thixo, ubukhosi; uphakeme wena phezu konke.

UJobe 1:11

Kodwa ake welule isandla sakho uchithe konke alakho, uzabona uzakuthuka ebusweni bakho.”

UJobe 1:9

USathane waphendula wathi, “Kambe uJobe umesaba kungelasizatho na uNkulunkulu?

UJobe 2:5

Kodwa yelula isandla sakho umtshaye inyama lamathambo akhe, uzabona uzakuthuka ebusweni bakho.”

AmaHubo 22:28

ngoba umbuso ungokaThixo njalo uyabusa phezu kwezizwe.

AmaHubo 45:6

Isihlalo sakho sobukhosi, Oh Nkulunkulu, sizakuma nini lanini; intonga yokwahlulela okulungileyo izakuba yintonga yombuso wakho.

UDanyeli 2:44

“Ngalesosikhathi samakhosi lawo uNkulunkulu wasezulwini uzabeka umbuso ongasoze wabhidlizwa lanini njalo ongasoze utshiyelwe abanye abantu. Uzayibhidliza yonke leyomibuso iphele, kodwa wona uzakuma laphakade.”

UMatewu 26:64

UJesu waphendula wathi, “Yebo, kunjengoba usitsho. Kodwa ngithi kini lonke: Ngesikhathi esizayo lizayibona iNdodana yoMuntu ihlezi kwesokunene sikaMninimandla isehla ngamayezi ezulwini.”

UMatewu 28:18

UJesu weza kubo wathi, “Wonke amandla ezulwini lasemhlabeni aphiwe mina.

UMatewu 6:10

umbuso wakho kawuze, intando yakho kayenziwe emhlabeni njengalokhu isenziwa ezulwini.

ULukha 11:2

Wathi kubo, “Nxa likhuleka, alibokuthi: ‘Baba, kalidunyiswe ibizo lakho, umbuso wakho kawuze.

ULukha 22:31

Simoni, Simoni uSathane usecele ukulihlungula lonke njengengqoloyi.

1 AbaseKhorinte 5:4

Lapho libuthene ebizweni leNkosi yethu uJesu ngilani ngomoya, lamandla eNkosi yethu uJesu akhona,

2 AbaseKhorinte 12:9

Kodwa yathi kimi, “Umusa wami ukwanele ngoba amandla ami apheleliswa ebuthakathakeni.” Ngakho ngizazincoma kakhulu-ke ngokuthokoza ngobuthakathaka bami, ukuze amandla kaKhristu ahlale phezu kwami.

UThithu 2:3

Ngokunjalo, fundisa abesifazane abadala ukuba babe ngabahloniphayo ekuphileni kwabo, bangabi ngabahlebayo kumbe ababuswa liwayini kodwa ukuba bafundise okulungileyo.

1 UPhethro 5:8

Zithibeni, liqaphele. Isitha senu uSathane, siyazulazula njengesilwane esibhongayo sidinga esingamudla.

Isambulo 11:15

Ingilosi yesikhombisa yakhalisa icilongo layo kwasekusiba lamazwi amakhulu ezulwini, ayesithi: “Umbuso wasemhlabeni usube ngumbuso weNkosi yethu loKhristu wayo, njalo izabusa kuze kube nininini.”

Isambulo 2:26

Lowo onqobayo esenza intando yami kuze kube sekupheleni ngizamnika amandla phezu kwezizwe,

Isambulo 7:10

Bamemeza ngelizwi elikhulu besithi: “Ukusindisa ngokukaNkulunkulu wethu, ohlezi esihlalweni sobukhosi, kanye lokweWundlu.”