AmaHubo 8:3 - IBhayibhili Elingcwele LesiNdebele

³ Nxa nginakana ngamazulu akho, umsebenzi weminwe yakho, inyanga lezinkanyezi ozibeke endaweni yazo,

iBhayibhili Elingcwele 1978

³ Lapho ngikhangela amazulu akho, umsebenzi weminwe yakho, inyanga lenkanyezi owazimisayo,

AmaHubo 8:3 ပူးပေါင်းရင်းမြစ်များ

UGenesisi 1:1

Ekuqaleni uNkulunkulu wadala amazulu lomhlaba.

UJobe 22:12

UNkulunkulu kakho esiqongweni samazulu na? Ake ubone phela ukuthi ziphakeme njani izinkanyezi ezisesiqongweni!

UJobe 25:3

Amabutho akhe angabalwa na? Ngubani ongaphunyelwa yikukhanya kwakhe na?

UJobe 25:5

Khangela, nxa inyanga ngokwayo ingakhazimuli, lezinkanyezi zingahlanzekanga emehlweni akhe,

UJobe 36:24

Khumbula ukukhulisa umsebenzi wakhe, abantu abawudumisileyo ngengoma.

AmaHubo 104:19

Inyanga yehlukanisa izibanga zomnyaka, lelanga liyazi ukuthi litshona nini.

AmaHubo 111:2

Mikhulu imisebenzi kaThixo; isemicabangweni yabo bonke abathokoza ngayo.

AmaHubo 148:3

Mdumiseni, langa lenyanga, mdumiseni lonke zinkanyezi ezikhazimulayo.

AmaHubo 19:1

Amazulu afakaza inkazimulo kaNkulunkulu; lomkhathi utshumayela umsebenzi wezandla zakhe.

AmaHubo 33:6

Ngelizwi likaThixo amazulu enziwa, ubunkanyankanya bezinkanyezi ngomoya womlomo wakhe.

AmaHubo 89:11

Ngawakho amazulu, ngowakho njalo lomhlaba; wawudala umhlaba lakho konke okukuwo.

U-Eksodasi 31:18

Kwathi lapho uThixo eseqedile ukukhuluma loMosi entabeni yaseSinayi wamnika izibhebhedu ezimbili zamatshe obufakazi, izibhebhedu zamatshe alotshwe ngomunwe kaNkulunkulu.

U-Eksodasi 8:19

izanuse zathi kuFaro, “Lokhu kungumunwe kaNkulunkulu.” Kodwa inhliziyo kaFaro yayilukhuni, kabalalelanga njengoba uThixo wayevele etshilo.

ULukha 11:20

Kodwa nxa ngikhupha amadimoni ngomunwe kaNkulunkulu, kutsho ukuthi umbuso kaNkulunkulu usufikile kini.

AbaseRoma 1:20

Ngoba kusukela ekudalweni komhlaba isimo sikaNkulunkulu esingabonakaliyo, amandla akhe angapheliyo kanye lobuNkulunkulu bakhe, sekubonakele ngokusobala, kuzwisiseka ngokwenziweyo, ukuze abantu bangabi lasizatho sokuzigeza.

UDutheronomi 4:19

Njalo nxa likhangela phezulu esibhakabhakeni libona ilanga, inyanga kanye lezinkanyezi, zonke ezihlobise zacecisa isibhakabhaka, lingalingeki lizikhothamele beselikhonza izinto uThixo uNkulunkulu wenu azibekela izizwe zonke ngaphansi kwezulu.