AmaHubo 7:6 - IBhayibhili Elingcwele LesiNdebele

⁶ Vuka, Oh Thixo, ngolaka lwakho; vuka uvimbele ukuthukuthela kwezitha zami. Vuka, Nkulunkulu wami, memezela ukwahlulela okuhle.

iBhayibhili Elingcwele 1978

⁶ Vuka, Nkosi, ngolaka lwakho, uvuke ngenxa yentukuthelo yezitha zami. Vuka, Nkulunkulu wami, wena umisile ukwahlulelwa.

AmaHubo 7:6 ပူးပေါင်းရင်းမြစ်များ

2 USamuyeli 17:14

U-Abhisalomu labantu bonke bako-Israyeli bathi, “Iseluleko sikaHushayi umʼArikhi singcono kulesika-Ahithofeli.” Ngoba uThixo wayeqonde ukufubisa iseluleko esilungileyo sika-Ahithofeli ukuze alethele u-Abhisalomu incithakalo.

AmaHubo 103:6

UThixo ubenzela ukulunga lokwahlulela okuhle labo abancindezelweyo.

AmaHubo 12:5

“Ngenxa yokuncindezelwa kwabayanga lokububula kwabaswelayo, sengizavuka khathesi,” kutsho uThixo. “Ngizabavikela kulabo ababachukuluzayo.”

AmaHubo 138:7

Loba ngihamba phakathi kohlupho uyayilondoloza impilo yami; uyaselula isandla sakho ukungivikela elakeni lwezitha zami, ngesandla sakho sokunene uyangisindisa.

AmaHubo 143:3

Isitha siyangizingela, singincindezela phansi emhlabathini; singenza ngihlale emnyameni njengalabo abafa kudala.

AmaHubo 3:7

Phakama, awu Thixo Ngisindise, Oh Nkulunkulu wami. Zibethe zonke izitha zami emhlathini; akhumule amazinyo ababi.

AmaHubo 35:1

Xabana labo, Thixo abaxabana lami; lwana labo abalwa lami.

AmaHubo 35:23

Vuka, uphakame ungilamulele! Ngilwela, Nkulunkulu Thixo wami.

AmaHubo 44:23

Vuka, Oh Thixo! Ulaleleni na? Ziphaphamise! Ungasilahli kokuphela.

AmaHubo 44:26

Phakama usisize; sihlenge ngenxa yothando lwakho olungaphuthiyo.

AmaHubo 59:5

Oh Thixo Nkulunkulu Somandla, Nkulunkulu ka-Israyeli, ake uzivuse wena ukuze uzijezise zonke izizwe; ungabazweli isihawu bonke abahlamuki ababi.

AmaHubo 73:20

Njengephupho nxa umuntu ephaphama kuzakuba njalo lapho usuvuka, Thixo, uzabeyisa njengemifanekiso yengqondo kuphela.

AmaHubo 74:3

Phenduka ungene emanxiweni aphakade la, incithakalo yonke le yenziwe yisitha endlini engcwele.

AmaHubo 78:65

INkosi yasivuka njengokade esebuthongweni, njengomuntu ephaphama ekudakweni yiwayini.

U-Isaya 3:13

UThixo uphakama ukuba afakaze indaba yakhe, uyasukuma ukuba ahlulele abantu.

U-Isaya 33:10

UThixo uthi, “Khathesi sengizavuka, khathesi sengizadunyiswa, khathesi sengizaphakanyiswa.

U-Isaya 37:20

Khathesi, Thixo, Nkulunkulu wethu, sikhulule esandleni sakhe, ukuze imibuso yonke emhlabeni ibekwazi ukuthi wena Thixo, nguwe wedwa onguNkulunkulu.”

U-Isaya 51:9

Vuka, vuka, wena ngalo kaThixo; uzigqokise ngamandla akho! Vuka njengasezinsukwini zendulo, lanjengakuzizukulwane zakudala. Kayisuwe yini owaquma uRahabi waba yiziqa, wagwaza lesilo lesiyana na?