AmaHubo 7:13 - IBhayibhili Elingcwele LesiNdebele

¹³ Usezilungisile izikhali zakhe ezibulalayo; uselungisa imitshoko yakhe evutha umlilo.

iBhayibhili Elingcwele 1978

¹³ usezilungisile izikhali zakhe zokubulala, wayenza imitshoko yakhe itshise njengomlilo.

AmaHubo 7:13 ပူးပေါင်းရင်းမြစ်များ

UJobe 6:4

Imitshoko kaSomandla iphakathi kwami, umoya wami unatha itshefu yayo; inhlupho zokuhlukuluza zikaNkulunkulu ziqondiswe kimi.

AmaHubo 11:2

Ngoba, khangela, ababi sebewanwebile amadandili abo; imitshoko yabo sebeyixhume ezintanjeni ukuthi batshoke becatshile emathunzini beciba labo abaqotho ezinhliziyweni.

AmaHubo 144:6

Thumela umbane uzihlakaze izitha; phosa imitshoko yakho zichitheke.

AmaHubo 18:14

Waciba imitshoko wazihlakaza izitha, ngembane eminengi waziqothula.

AmaHubo 45:5

Akuthi imitshoko yakho ecijileyo icibe inhliziyo zezitha zenkosi; akuthi izizwe ziwe ngaphansi kwezinyawo zakho.

AmaHubo 64:3

Bayazilola inlimi zabo njengezinkemba bakhombele amazwi abo njengemitshoko ebulalayo.

AmaHubo 64:7

Kodwa uNkulunkulu uzabaciba ngemitshoko; ngokuphangisa nje bazalahlwa phansi.

Izililo 2:4

Usethiye idandili lakhe njengesitha; isandla sakhe sokunene sesiqaphile. Njengesitha usebabulele bonke ababebahle ebusweni; usethele ulaka lwakhe olungumlilo phezu kwethente leNdodakazi yeZiyoni.

UHabhakhukhi 3:11

Ilanga lenyanga kwema mpo emazulwini ekubenyezeleni kwemitshoko yakho entwezayo, ekuphazimeni kwemitshoko yakho ecazimulayo.

UHabhakhukhi 3:13

Waphuma ukuba ukhulule abantu bakho, ukuba usindise ogcotshiweyo wakho. Umkhokheli welizwe lobubi umchobozile, wamebula kusukela ekhanda kusiya enyaweni.

UDutheronomi 32:23

Ngizabehlisela izigigaba, imitshoko yami iphelele phezu kwabo.

UDutheronomi 32:41

nxa ngilola inkemba yami ephazimayo lesandla sami siyibamba ekwehluleleni, ngizaphindisela kuzozonke izitha zami, ngiphindisele kulabo abangizondayo.

UDutheronomi 32:42

Imitshoko yami izagava igazi, kanti inkemba izakudla enyameni: igazi lalabo ababulawayo labathunjwayo, amakhanda alabo abangabakhokheli bezitha.’

2 AbaseThesalonika 1:6

UNkulunkulu ulungile: Uzaphindisela inhlupho kulabo abalihluphayo,

Isambulo 16:6

ngoba bachitha igazi labangcwele bakho lelabaphrofethi, ngakho ubanike igazi ukuba balinathe njengokubafaneleyo.”

Isambulo 6:10

Yamemeza ngelizwi elikhulu yathi, “Koze kube nini, Thixo wobukhosi, engcwele leqotho ukuze wahlulele abasemhlabeni uphindisele igazi lethu na?”