AmaHubo 7:10 - IBhayibhili Elingcwele LesiNdebele

¹⁰ Isihlangu sami nguNkulunkulu oPhezukonke, osindisa abaqotho ngenhliziyo.

iBhayibhili Elingcwele 1978

¹⁰ Isihlangu sami nguNkulunkulu osiza abaqotho enhliziyweni.

AmaHubo 7:10 ပူးပေါင်းရင်းမြစ်များ

UGenesisi 15:1

Ngemva kwalokho ilizwi likaThixo leza ku-Abhrama ngombono: “Ungesabi, Abhrama. Ngiyisihlangu sakho, umvuzo wakho omkhulu kakhulu.”

1 ImiLando 28:9

Njalo wena ndodana yami, Solomoni, mamukele uNkulunkulu kayihlo, umkhonze ngokuzinikela ngenhliziyo yakho yonke langengqondo yokuvuma, ngoba uThixo uyihlola yonke inhliziyo kanti uyayazi iminakano lezenzo zonke. Nxa umdinga uThixo, uzamthola wena, kodwa nxa umfulathela, uzakufulathela yena kuze kube nininini.

2 ImiLando 6:30

lalela usezulwini, okuyindawo yakho yokuhlala. Thethelela, wenzele umuntu munye ngamunye lokho okuhambelana lezenzo zakhe, ngoba wena uyazazi inhliziyo zabo (futhi nguwe wedwa owazi inhliziyo zabantu),

UJobe 8:6

nxa umsulwa ulungile, lamanje nje uzaphakama akusize akubuyisele esimeni sakho.

AmaHubo 112:2

Abantwabakhe bazaba lamandla elizweni; isizukulwane soqotho sizabusiswa.

AmaHubo 125:4

Yenza okuhle, awu Thixo, kulabo abalungileyo, kulabo abaqotho enhliziyweni

AmaHubo 3:3

Kodwa wena uyisihlangu sokungivikela, Oh, Thixo, inkazimulo yami, uphakamisa ikhanda lami.

AmaHubo 84:11

Ngoba uThixo ulilanga lesihlangu; uThixo uyapha umusa lodumo; kancitshani langaluphi ulutho oluhle kulabo ozinyathelo zabo zingelansolo.

AmaHubo 89:18

Ngempela isihlangu sethu ngesikaThixo, iNkosi yethu Kuye oYedwa oNgcwele ka-Israyeli.

Izaga 11:20

UThixo uyabazonda abantu abalenhliziyo embi, kodwa uyathokoza ngalabo abandlela zabo zilungile.

Izaga 2:21

Ngoba abaqotho bazahlala elizweni, labangasolekiyo bazasala kulo;

Izaga 28:18

Lowo ompilo yakhe ingelacala uvikelekile, kodwa ondlela zakhe zixhwalile uzakuwa masinyane.

UJeremiya 11:20

Kodwa, wena, Thixo Somandla, wena owahlulela ngokulunga njalo uhlola inhliziyo lengqondo, yenza ngibone ukuphindisela kwakho kubo, ngoba isisusa sami ngisinikela kuwe.

UJeremiya 17:10

“Mina Thixo ngiyayihlola inhliziyo ngihlole lengqondo, ukuba umuntu ngimnike okufanele ukwenza kwakhe mayelana lalokho okufanele izenzo zakhe.”