AmaHubo 68:2 - IBhayibhili Elingcwele LesiNdebele

² Njengentuthu iphetshulwa ngumoya lawe baphephulele kude; njengengcino encibilikiswa ngumlilo, ababi kababhubhe phambi kukaNkulunkulu.

iBhayibhili Elingcwele 1978

² Baphephethe njengentuthu; njengokuncibilika kwengcino phambi komlilo, ababi kabachithwe phambi komlilo, ababi kabachithwe phambi kukaNkulunkulu.

AmaHubo 68:2 ပူးပေါင်းရင်းမြစ်များ

2 USamuyeli 10:13

Ngakho uJowabi lamabutho ayelaye baqhubeka ukuba balwe lama-Aramu, asebaleka phambi kwakhe.

2 USamuyeli 10:18

Kodwa abaleka phambi kuka-Israyeli, njalo uDavida wabulala abatshayeli bezinqola zabo zempi abangamakhulu ayisikhombisa lamabutho ahamba ngezinyawo azinkulungwane ezingamatshumi amane. Wagalela loShobhakhi umlawuli webutho lawo, wafela khonapho.

AmaHubo 22:14

Ngiyathululeka njengamanzi, njalo amathambo ami wonke akhumukile. Inhliziyo yami isiphenduke yaba yingcino; isincibilikile ngaphakathi kwami.

AmaHubo 37:20

Kodwa ababi bazabhubha; izitha zikaThixo zinjengobuhle beganga, zizanyamalala, zinyamalale njengentuthu.

AmaHubo 76:7

Wena wedwa uyesatshwa. Ngubani ongema phambi kwakho nxa usuthukuthele?

AmaHubo 80:16

Ivini lakho seliqunyiwe, selitshiswe ngomlilo; ngokukhuza kwakho abantu bayabhubha.

AmaHubo 97:5

Izintaba zincibilika njengengcino phambi kukaThixo, phambi kweNkosi yomhlaba wonke.

U-Isaya 33:3

Ekukhwazeni kwelizwi lakho, izizwe ziyabaleka; lapho uphakama izizwe ziyahlakazeka.

U-Isaya 64:2

Njengalapho umlilo utshisa incwathi wenze amanzi abile, yehlela phansi ukuba wenze ibizo lakho lazakale ezitheni zakho, wenze lezizwe zithuthumele phambi kwakho.

U-Isaya 9:18

Ngeqiniso ububi butshisa njengomlilo, budla ukhula lameva, buthungela izixuku zehlathi zivuthe amalangabi izikhatha zentuthu ziqonga zisiya phezulu.

UJeremiya 46:15

Amabutho enu azabulawelwani na? Angeke ame, ngoba uThixo uzawalahlela phansi.

UHosiya 13:3

Ngakho bazakuba njengenkungu yekuseni, njengamazolo ekuseni anyamalalayo, njengamakhoba asuka ezizeni, njengentuthu iphuma ewindini.

UMikha 1:4

Izintaba ziyancibilika ngaphansi kwakhe, lezigodi ziyaqhekezeka phakathi njengengcino phansi komlilo, lanjengamanzi esehla ngamandla emthezukweni.

AmaNani 10:35

Kwakusithi lapho umtshokotsho wesivumelwano usuka, uMosi athi, “Phakama, Thixo! Sengathi izitha zingahlakazeka; sengathi izitha zakho zingabaleka phambi kwakho.”