AmaHubo 66:12 - IBhayibhili Elingcwele LesiNdebele

¹² Wayekela abantu bakhwela bazehlela emakhanda ethu; sedlula phakathi komlilo lamanzi, kodwa wasiletha endaweni yenala.

iBhayibhili Elingcwele 1978

¹² wavumela abantu ukukhwela phezu kwamakhanda ethu; sadabula phakathi komlilo lamanzi, kodwa wasiletha endaweni ebanzi.

AmaHubo 66:12 ပူးပေါင်းရင်းမြစ်များ

2 USamuyeli 15:17

Ngakho inkosi yasuka, labantu bonke beyilandela, basebesima endaweni elibanga elithize.

UJobe 36:16

Uyakulimukisa ukuthi uphume emihlathini yosizi uye endaweni ebanzi, ekhululekileyo njalo engelazibopho, ebumnandini betafula yakho igcwele izidlo ezimnandi.

UJobe 5:19

Uzakuhlenga ezinhluphekweni eziyisithupha; kweziyisikhombisa kawuyikuwelwa yingozi.

AmaHubo 33:19

ukubakhulula ekufeni baphiliswe lanxa kulendlala.

U-Isaya 51:23

Ngizayibeka ezandleni zabakuhluphayo, abathi kuwe, ‘Cambalala ukuze sihambe phezu kwakho.’ Wena-ke wenza umhlane wakho waba njengenhlabathi, lanjengomgwaqo okungahanjwa kuwo.”

UDanyeli 3:26

UNebhukhadineza wasesondela emlonyeni wesithando somlilo olavuzayo wamemeza wathi, “Shadreki, loMeshaki lo-Abhediniko, zinceku zikaNkulunkulu oPhezukonke, phumani! Wozani lapha!” Ngakho oShadreki, loMeshaki lo-Abhediniko baphuma emlilweni,

ULukha 16:25

Kodwa u-Abhrahama waphendula wathi, ‘Ndodana, khumbula ukuthi ngesikhathi usaphila wazuza izinto zakho ezinhle kodwa uLazaro wemukela izinto ezimbi, khangela manje useduduzwa lapha, ikanti wena ususebuhlungwini.

Imisebenzi 14:22

beqinisa abafundi njalo bebakhuthaza ukuthi babambelele ekukholweni. Bathi, “Kufanele sedlule ezinhlungwini ezinengi ukuze singene embusweni kaNkulunkulu.”

UJakhobe 5:11

Njengoba lisazi, labo ababekezelayo sibabala njengababusisiweyo. Selezwa ngokubekezela kukaJobe njalo selikubonile okwalethwa yiNkosi ekucineni. INkosi igcwele isihawu esikhulu lomusa.