AmaHubo 6:9 - IBhayibhili Elingcwele LesiNdebele

⁹ UThixo usekuzwile ukukhala kwami ngicela umusa; UThixo uyawamukela umkhuleko wami.

iBhayibhili Elingcwele 1978

⁹ INkosi izwile ukunxusa kwami; izakwamukela umkhuleko wami.

AmaHubo 6:9 ပူးပေါင်းရင်းမြစ်များ

2 ImiLando 34:27

Njengoba uzisolile wazehlisa ngaphansi kukaNkulunkulu wezwa ukuthi utheni ngalindawo labantu bayo njalo langenxa yokuthi uzehlisile wazithoba phambi kwami wadabula izembatho zakho walila phambi kwami, ngikuzwile, utsho njalo uThixo.

AmaHubo 118:5

Ngathi ngidabukile ngakhala kuThixo, waphendula ngokungikhulula.

AmaHubo 120:1

Ngiyambiza uThixo ngisosizini, laye angiphendule.

AmaHubo 138:3

Ngabiza wena wangiphendula; wangenza ngaba lesibindi lenhliziyo eqinileyo.

AmaHubo 3:4

Ngikhala kakhulu kuThixo uyangiphendula esentabeni yakhe engcwele.

AmaHubo 31:22

Ngiphakathi kokwethuka ngathi, “Sengisusiwe kangisabonakali Kuwe!” Kanti wakuzwa ukukhala kwami ngicela umusa, lapho ngangicela kuwe ukusizwa.

U-Isaya 38:5

“Yana kuHezekhiya uthi kuye, ‘Nanku okutshiwo nguThixo, uNkulunkulu kayihlo uDavida, uthi: Ngiwuzwile umkhuleko wakho, njalo ngizibonile lezinyembezi zakho. Ngizakwengezelela iminyaka elitshumi lanhlanu ekuphileni kwakho.

Izililo 3:56

Wezwa ukuncenga kwami: “Ungavali indlebe zakho nxa ngikhalela ukwenyulwa.”

UJona 2:2

Wathi: “Ekuhluphekeni kwami ngambiza uThixo, wangiphendula. Ngisekujuleni kwengcwaba ngacela uncedo, wena wakulalela ukukhala kwami.

UJona 2:7

Lapho impilo yami yayisincipha, ngakhumbula wena, Thixo, umkhuleko wami waphakamela kuwe, ethempelini lakho elingcwele.