AmaHubo 6:3 - IBhayibhili Elingcwele LesiNdebele

³ Umoya wami udabukile. Koze kube nini, Oh Thixo, koze kube nini?

iBhayibhili Elingcwele 1978

³ lomphefumulo wami ukhathazekile kakhulu. Kodwa, wena Nkosi, uzakulibala kuze kube nini na?

AmaHubo 6:3 ပူးပေါင်းရင်းမြစ်များ

AmaHubo 22:14

Ngiyathululeka njengamanzi, njalo amathambo ami wonke akhumukile. Inhliziyo yami isiphenduke yaba yingcino; isincibilikile ngaphakathi kwami.

AmaHubo 38:8

Sengibuthakathaka, sengicikizekile; ngiyabubula ngobuhlungu benhliziyo.

AmaHubo 42:11

Kungani wephukile na, wena mphefumulo wami? Kungani udungekile kanje ngaphakathi kwami? Beka ithemba lakho kuNkulunkulu, ngoba ngisezakumdumisa, uMsindisi wami loNkulunkulu wami.

AmaHubo 42:5

Kungani wephukile na, wena mphefumulo wami? Kungani udungekile kanje ngaphakathi kwami? Beka ithemba lakho kuNkulunkulu, ngoba ngisezakumdumisa, uMsindisi wami loNkulunkulu wami.

AmaHubo 77:7

“INkosi izakhalala kokuphela na? Ayisayikuphinde itshengise uthando lwayo njalo na?

AmaHubo 9:14

ukuze ngifakaze indumiso yakho emasangweni eNdodakazi yaseZiyoni kuthi khonale ngithokoze ngokusindisa kwakho.

AmaHubo 90:13

Phola, Oh Thixo! Koze kube nini kulokhu kunjalo na? Woba lesihawu ezincekwini zakho.

Izaga 18:14

Umphefumulo womuntu uyamqinisa nxa egula, kodwa ngubani ongaphila elomoya owephukileyo na?

UJeremiya 17:14

Ngisilisa, Thixo, njalo ngizasiliswa; ungikhulule, ngizakhululeka, ngoba nguwe engimdumisayo.

UMatewu 26:38

Wasesithi kubo, “Umphefumulo wami ugajelwa lusizi kuze kuthi ngife. Hlalani lapha lilinde lami.”

ULukha 18:7

Kambe uNkulunkulu kayikubalwela yini abakhethiweyo bakhe, abakhuleka kuye imini lobusuku? Uzabe elokhu ebanina yini?

UJohane 12:27

Khathesi inhliziyo yami ikhathazekile. Kambe ngingatsho na ngithi, ‘Baba, ngihlenga singafiki lesosikhathi’? Hatshi, kwakungenxa yalesisizatho ukuze ngingene kulesisikhathi.