AmaHubo 40:9 - IBhayibhili Elingcwele LesiNdebele

⁹ Ngiyafakaza ngokulunga ngisemhlanganweni omkhulu; angizivali izindebe zami, njengoba usazi, Oh Thixo.

iBhayibhili Elingcwele 1978

⁹ Ngitshumayele ebandleni elikhulu indaba ezinhle zokukhululwa; kangiyikuwuvala umlomo wami njengoba usazi, wena Nkosi.

AmaHubo 40:9 ပူးပေါင်းရင်းမြစ်များ

AmaHubo 119:13

Ngezindebe zami ngiyayibala yonke imithetho ephuma emlonyeni wakho.

AmaHubo 139:2

Uyakwazi lapho ngihlala lalapho ngiphakama; uyayibona imicabango yami lanxa ukhatshana.

AmaHubo 22:22

Ngizamemezela ibizo Lakho kubafowethu; emphakathini ngizakudumisa.

AmaHubo 22:25

Sivela kuwe isithathelo sokudumisa kwami emhlanganweni omkhulu; ngizagcwalisa izifungo zami phambi kwalabo abakwesabayo.

AmaHubo 35:18

Ngizakubonga phakathi komhlangano omkhulu; ngikudumise ngiphakathi kwamaxuku abantu.

AmaHubo 37:31

Umthetho kaNkulunkulu wakhe usenhliziyweni yakhe; inyawo zakhe kazitsheleli.

UJeremiya 31:33

“Lesi yiso isivumelwano engizasenza lendlu ka-Israyeli ngemva kwalesosikhathi,” kutsho uThixo. “Ngizafaka umthetho wami ezingqondweni zabo, ngiwulobe lasezinhliziyweni zabo. Ngizakuba nguNkulunkulu wabo, bona bazakuba ngabantu bami.

UJohane 21:17

Wasesithi kuye okwesithathu, “Simoni, ndodana kaJohane, uyangithanda na?” UPhethro wadabuka ngoba uJesu wambuza okwesithathu wathi, “Uyangithanda na?” Wathi, “Nkosi, uyazazi izinto zonke; uyakwazi ukuthi ngiyakuthanda.” UJesu wathi, “Phana izimvu zami ukudla.

AmaHebheru 2:12

Uthi, “Ngizamemezela ibizo lakho kubafowethu; ngizahlabelela udumo lwakho phambi kwebandla.”

UJoshuwa 22:22

“USomandla, uNkulunkulu uThixo! USomandla uNkulunkulu uThixo! Uyazi! Njalo u-Israyeli kabe lolwazi! Nxa lokhu bekuyikuhlamukela kumbe ukuqholozela uThixo, lingasisindisi lamhlanje.