AmaHubo 2:4 - IBhayibhili Elingcwele LesiNdebele

⁴ Yena osesihlalweni ezulwini uyahleka; uThixo uyabahleka.

iBhayibhili Elingcwele 1978

⁴ Yena ohlezi emazulwini uyahleka, iNkosi iyabahleka ulunya.

AmaHubo 2:4 ပူးပေါင်းရင်းမြစ်များ

2 AmaKhosi 19:21

Nanti ilizwi uThixo aselikhulume ngaye: ‘Ndodakazi eGcweleyo iZiyoni iyakweyisa njalo iyakuklolodela. Ndodakazi iJerusalema inqekuza ikhanda layo lapho wena ubaleka.

AmaHubo 11:4

UThixo usethempelini lakhe elingcwele; uThixo usesihlalweni sakhe sobukhosi basezulwini. Uyawakhangela amadodana abantu; amehlo akhe ayabahlola.

AmaHubo 115:3

UNkulunkulu wethu usezulwini; wenza loba yini ayithandayo.

AmaHubo 123:1

Ngiphakamisela amehlo ami kuwe, wena osesihlalweni sobukhosi emazulwini!

AmaHubo 37:13

kodwa iNkosi iyabahleka ababi, ngoba iyazi ukuthi usuku lwabo luyeza.

AmaHubo 53:5

Kodwa yibo abagubhazeliswa luvalo khona kungelalutho olwesabekayo. UNkulunkulu wawahlakaza amathambo alabo abalihlaselayo; lina labayangisa ngoba uNkulunkulu wabeyisa.

AmaHubo 59:8

Kodwa wena, Oh Thixo, uyabahleka; uyazigqabhazela zonke lezozizwe.

AmaHubo 59:9

Oh Mandla ami, ngiyakulindela; wena, Oh Nkulunkulu, uyinqaba yami,

AmaHubo 68:33

kuye ohlala phezu kwesibhakabhaka sekadeni, okhwaza ngelizwi elikhulu.

Izaga 1:26

ngakho lami ngizahleka selihlupheka; ngizaliklolodela nxa lisehlelwa lusizi,

U-Isaya 40:22

UThixo uhlezi ebukhosini ngaphezu kwendingiliza yomhlaba, njalo abantu bakhe banjengezintethe. Welula amazulu njengekhetheni, awendlale njengethente lokuhlala kulo.

U-Isaya 57:15

Ngoba ophakemeyo ongaPhezulu, yena ophila kokuphela, obizo lakhe lingcwele uthi: “Ngihlala endaweni ephakemeyo lengcwele, kodwa laye ozisolayo lothobekileyo emoyeni, ukuba kuvuselelwe umoya wabathobekileyo, kuvuselelwe lezinhliziyo zabazisolayo.

U-Isaya 66:1

Nanku okutshiwo nguThixo: “Izulu liyisihlalo sami sobukhosi, lomhlaba uyisenabelo sami. Ingaphi indlu elizangakhela yona na? Indawo yami yokuphumula izakuba ngaphi na?