AmaHubo 2:10 - IBhayibhili Elingcwele LesiNdebele

¹⁰ Ngakho-ke lina makhosi, limukani, liyaxwayiswa lina babusi bomhlaba.

iBhayibhili Elingcwele 1978

¹⁰ Ngakhoke hlakaniphani lina makhosi, lixwayiswe lina babusi bomhlaba.

AmaHubo 2:10 ပူးပေါင်းရင်းမြစ်များ

AmaHubo 45:12

Indodakazi yaseThire izakuza lesipho, amadoda anothileyo azazincengela kuwe.

U-Isaya 49:23

Amakhosi azakuba ngoyihlo bokukukhulisa, amakhosikazi awo abe ngonyoko bokukondla. Bazakhothama phambi kwakho ubuso babo buphansi, emhlabathini, bazakhotha uthuli ezinyaweni zakho. Lapho-ke uzakwazi ukuthi mina nginguThixo; labo abangithembayo abayikudaniswa.”

U-Isaya 52:15

ngakho-ke izachela izizwe ezinengi, amakhosi azavala imilomo yawo ngenxa yayo. Ngoba lokho abangakutshelwanga bazakubona, labangakuzwanga, bazakuqedisisa.

U-Isaya 60:3

Izizwe zizakuza ekukhanyeni kwakho, lamakhosi alande ukuqhama kokusa kwakho.

UJeremiya 6:8

Xwayiseka, we Jerusalema, hlezi ngikutshiye, lelizwe lakho ngilichithe, kungabi lomuntu ohlala kulo.”

UHosiya 14:9

Ngubani ohlakaniphileyo? Uzazibona lezizinto. Ngubani oqedisisayo? Uzazizwisisisa. Izindlela zikaThixo zilungile abalungileyo bahamba kuzo, kodwa abahlamuki bayakhubeka kuzo.

UZakhariya 14:17

Nxa bezakuba khona abesinye isizwe emhlabeni abangayikuya eJerusalema ukuyakhonza Inkosi, uThixo uSomandla, labo kabayikunelwa lizulu.