AmaHubo 18:4 - IBhayibhili Elingcwele LesiNdebele

⁴ Izibopho zokufa zangihilela; lezikhukhula zokubhubhisa zangikhulela.

iBhayibhili Elingcwele 1978

⁴ Izibopho zokufa zangizingelezela, lezikhukhula zokubhujiswa zangethusa.

AmaHubo 18:4 ပူးပေါင်းရင်းမြစ်များ

2 ImiLando 20:21

Ngemva kokubuza abantu, uJehoshafathi wakhetha amadoda okuhlabelela uThixo lokumdumisa ngenxa yenkazimulo yobungcwele bakhe bekhokhele amabutho, besithi: “Mbongeni uThixo, ngoba uthando lwakhe lumi nininini.”

2 ImiLando 20:22

Bathi beqalisa ukuhlabelela njalo bedumisa, uThixo wabeka abantu bokucathamela abase-Amoni labase-Mowabi labaseNtabeni iSeyiri ababedinga ukuhlasela uJuda, behlulwa.

AmaHubo 116:3

Izibopho zokufa zangithandela, ubuhlungu obukhulu bengcwaba bangehlela; ngagajelwa yikuhlupheka losizi.

AmaHubo 124:4

ngabe izikhukhula zasigalulisa, umsinga wawuzasikhukhula,

AmaHubo 22:16

Izinja sezingihanqile; ixuku labantu ababi selingihonqolozele, sebengigwaze izandla lezinyawo.

U-Isaya 13:8

Bazakuba lokwesaba okukhulu, baphathwe yibuhlungu losizi; bazabhinqika njengowesifazane ehelelwa. Bazakhangelana bemangele, ubuso babo bungamalangabi.

UMatewu 26:47

Wathi esakhuluma, uJudasi, omunye wabalitshumi lambili wafika. Wayehamba lexuku elikhulu lihlomile ngezinkemba lezinduku lithunywe ngabaphristi abakhulu labadala babantu.

UMatewu 26:55

Khonapho uJesu wathi exukwini labantu, “Kanti ngikhokhela umvukela yini lize lihlome ngezinkemba lezinduku ukuzangibamba na? Insuku zonke ngangihlala emagumeni ethempeli ngifundisa, kodwa kalingibophanga.

Imisebenzi 21:30

Idolobho lonke laphithizela, abantu beza begijima beqhamuka inxa zonke. Bamdumela uPhawuli bamhudula bemsusa ethempelini, amasango alo ahle avalwa.

2 AbaseKhorinte 1:9

Impela isigwebo sokufa sasizwa ezinhliziyweni zethu. Kodwa lokhu kwenzakala ukuze singazithembi thina ngokwethu kodwa uNkulunkulu, ovusa abafileyo.