AmaHubo 146:4 - IBhayibhili Elingcwele LesiNdebele

⁴ Kuthi umoya wabo ungaphuma, babuyele emhlabathini; mhlalokho nje amacebo ahle abhidlike.

iBhayibhili Elingcwele 1978

⁴ Lapho esesifa, iyabuyela emhlabathini; langalolosuku amacebo akhe ayaphela.

AmaHubo 146:4 ပူးပေါင်းရင်းမြစ်များ

UGenesisi 2:7

Ngakho uThixo uNkulunkulu wasebumba umuntu ngothuli lomhlabathi, waphefumulela emakhaleni akhe umphefumulo wokuphila, umuntu wasesiba yisidalwa esiphilayo.

UGenesisi 3:19

Ngezithukuthuku zebunzi lakho uzakudla ukudla kwakho uze ubuyele emhlabathini, njengoba wathathwa kuwo; ngoba uluthuli njalo uzabuyela othulini.”

UGenesisi 6:17

Ngizathumela uzamcolo emhlabeni ukubhubhisa konke okuphilayo ngaphansi kwezulu, zonke izidalwa eziphefumulayo. Yonke into emhlabeni izabhubha.

UJobe 14:10

Kodwa umuntu uyafa alaliswe phansi; uphefumula okokucina angabe esabakhona.

UJobe 14:21

Nxa amadodana akhe ezuza udumo, kawakwazi; nxa izizukulwane zakhe zisehliswa, kazikuboni.

UJobe 17:1

“Umoya wami udabukile, insuku zami ziqunyiwe, ithuna lingimelele.

UJobe 17:11

Sezidlule insuku zami, amacebo ami asedilikile, kunjalo lezifiso zenhliziyo yami.

UJobe 27:3

nxa ngilokhu ngiselempilo ngaphakathi kwami, umphefumulo kaNkulunkulu usemakhaleni ami,

AmaHubo 104:29

Uthi ungafihla ubuso bakho zitshaywe luvalo; uthi ungathatha umphefumulo wazo, zife zibuyele othulini.

AmaHubo 33:10

UThixo uyawachitha amacebo ezizwe; uyazinyampisa izinhloso zabantu.

AmaHubo 90:3

Ubuyisela abantu ethulini, usithi, “Buyelani othulini, lina madodana abantu.”

UmTshumayeli 12:7

kuthi umhlabathi ubuyele emhlabathini lapho owavela khona, lomphefumulo ubuyele kuNkulunkulu onguye owawuphayo.

UmTshumayeli 9:6

Uthando lwabo, inzondo yabo lomona wabo sekwedlula nya; nini lanini kabasayikuba lengxenye loba kukuphi okwenzakalayo ngaphansi kwelanga.

U-Isaya 2:22

Yekelani ukwethemba umuntu olomphefumulo nje kuphela emakhaleni akhe. Ngoba uyini yena na?

Izililo 4:20

Ogcotshiweyo kaThixo, oyikuphila kwethu uqobo, wabanjwa emijibileni yabo. Sakhumbula ukuthi ngaphansi kwesithunzi sakhe sizahlala phakathi kwezizwe.

UDanyeli 5:23

Endaweni yalokho, uzimisele ukumelana loThixo wezulu. Wathi kakuthathwe izitsha zethempeli layo zilethwe kuwe, kwasekusithi wena lezikhulu zakho, labafazi bakho kanye labafazi bakho beceleni lanathela iwayini kuzo. Wadumisa onkulunkulu besiliva legolide, abethusi, lensimbi, lezigodo lamatshe, abangaboniyo, labangezwayo labangaqedisisiyo. Kodwa kawumhloniphanga uNkulunkulu ophethe ukuphila kwakho kanye lezindlela zakho zonke esandleni sakhe.

1 AbaseKhorinte 2:6

Kodwa siyalikhuluma ilizwi lokuhlakanipha kulabo asebekhulile, belo kungasikho kuhlakanipha kwalesisikhathi loba okwababusi balesisikhathi, asebezakuba yize.