AmaHubo 14:3 - IBhayibhili Elingcwele LesiNdebele

³ Bonke baphambukile, bonke sebexhwalile; kakho loyedwa owenza okuhle, kakho lamunye.

iBhayibhili Elingcwele 1978

³ Balahlekile bonke, bonke bonakele; kakho owenza okuhle, kakho loyedwa.

AmaHubo 14:3 ပူးပေါင်းရင်းမြစ်များ

UGenesisi 6:12

UNkulunkulu wabona ukuthi umhlaba wawusuxhwale njani, ngoba bonke abantu emhlabeni basebehamba ngezindlela zabo ezixhwalileyo.

UJobe 14:4

Ngubani ongaveza okuhlambulukileyo kokungcolileyo na? Kakho!

UJobe 15:16

pho umuntu ongcolileyo ke, oxhwalileyo, onatha ububi njengamanzi!

AmaHubo 119:176

Ngiphambukile njengemvu elahlekileyo. Yidinge inceku yakho, ngoba kangikayikhohlwa imilayo yakho.

AmaHubo 14:1

Isiwula sithi enhliziyweni yaso, “AkulaNkulunkulu.” Baxhwalile, izenzo zabo zibolile; kakho loyedwa owenza okuhle.

AmaHubo 143:2

Ungangenisi inceku yakho ekwahlulelweni, ngoba kakho ophilayo ongabe ulungile kuwe.

AmaHubo 38:5

Izilonda zami sezilobovu sezisenyanyeka ngenxa yobuthutha bami besono.

AmaHubo 58:3

Kwasekuzalweni ababi bayaphumputheka; kwasekuzalweni baxhwalile, beqamba amanga.

U-Eksodasi 12:30

UFaro lezikhulu zakhe zonke lawo wonke amaGibhithe bavuka ebusuku basiqhinqa isililo esikhulu eGibhithe ngoba kungekho ndlu layinye lapho okwakungafiwanga khona.

U-Eksodasi 8:31

UThixo wenza lokho okwakucelwe nguMosi, umtshitshi wempukane wanyamalala kuFaro lezikhulu zakhe labantu bakhe, akwaze kwasala leyodwa.

UmTshumayeli 7:20

Akulamuntu loyedwa olungileyo emhlabeni owenza okulungileyo ongazake enze isono.

UmTshumayeli 7:29

Yilokhu kuphela esengikufumene: UNkulunkulu wamenza umuntu wabaqotho, kodwa abantu basuka bazenzele okwabo.”

U-Isaya 53:6

Thina sonke silahlekile njengezimvu, munye ngamunye wethu uphambukele endleleni yakhe; njalo uThixo ubeke phezu kwakhe ukona kwethu sonke.

U-Isaya 64:6

Sonke sesaba njengomuntu ongcolileyo, lemisebenzi yethu yokulunga yonke injengenjobo ezingcolileyo, sonke siyabuna njengehlamvu, lanjengomoya izono zethu zisiphephulela khatshana.

UJeremiya 2:13

“Abantu bami benze izono ezimbili: Bangidelile, mina mthombo wamanzi okuphila, bagebha eyabo imithombo, imithombo evuzayo engagcini manzi.

UHezekhiyeli 36:25

Ngizakuchela ngamanzi ahlanzekileyo, uzahlambuluka; ngizakuhlambulula kukho konke ukungcola kwakho kanye lakuzo zonke izithombe zakho.

AbaseRoma 3:23

ngoba bonke bonile njalo bayasilela enkazimulweni kaNkulunkulu,

1 AbaseKhorinte 6:5

Ngitsho lokhu ukuze libelenhloni. Kungenzakala yini ukuthi akulamuntu phakathi kwenu ohlakaniphe okwaneleyo ukuba ahlulele umbango phakathi kwabazalwane na?

2 AbaseKhorinte 7:1

Njengoba silezithembiso lezi, bazalwane abathandekayo, kasizihlambululeni ezintweni zonke ezingcolisa umzimba lomoya, siphelelise ubungcwele ngokwesaba uNkulunkulu.

Abase-Efesu 2:3

Lathi sonke sake saphila phakathi kwabo ekuqaleni, sithokozisa izinkanuko zemvelo yethu yesono, silandela lezifiso kanye lemicabango yazo. Njengabanye, ngokwemvelo sasifanele ulaka.

UDutheronomi 1:35

‘Kakho loyedwa kulesisizukulwane esingalunganga ozalibona lelolizwe engafungela ukulipha okhokho benu,