AmaHubo 135:6 - IBhayibhili Elingcwele LesiNdebele

⁶ UThixo wenza loba yini ayifunayo, emazulwini lasemhlabeni, enlwandle lasezinzikini zazo.

iBhayibhili Elingcwele 1978

⁶ Konke iNkosi ekuthandayo iyakwenza, ezulwini lasemhlabeni, olwandle lasezinzikini zonke.

AmaHubo 135:6 ပူးပေါင်းရင်းမြစ်များ

UJobe 42:2

“Ngiyazi ukuthi ungazenza zonke izinto; kalikho icebo lakho elingavinjwa.

AmaHubo 115:3

UNkulunkulu wethu usezulwini; wenza loba yini ayithandayo.

AmaHubo 33:11

Kodwa amacebo kaThixo ami aqinile nini lanini, izinhloso zenhliziyo yakhe kuzozonke izizukulwane.

AmaHubo 33:9

Ngoba wakhuluma, kwahle kwaba khona; wayala, kwema kwaqina nko.

U-Isaya 46:10

Mina ngenza isiphetho sazakale kusukela ekuqaleni lokuzakwenzakala, kusukela ezikhathini zasendulo. Ngithi: ‘Injongo yami izakuma kokuphela, njalo ngizakwenza konke engikufunayo.’

UDanyeli 4:32

Uzaxotshwa ebantwini uyehlala lezinyamazana zeganga; uzakudla utshani njengezinkomo. Kuzadlula iminyaka eyisikhombisa uze uvume ukuthi oPhezukonke uyabusa phezu kwemibuso yabantu ayiphe ingqe ngubani ngokuthanda kwakhe.”

UDanyeli 4:35

Imihlobo yonke yabantu bomhlaba ibonakala ingesilutho. Wenza njengokuthanda kwakhe ezidalweni zasezulwini lasebantwini abasemhlabeni. Kakho ongasivimbela isandla sakhe loba athi kuye: “Kanti wenzani na?”

uAmosi 4:13

Yena obumba izintaba, udala umoya, aveze lemicabango yakhe ebantwini, yena oguqula ukusa kube ngumnyama, anyathele lezindawo eziphakemeyo zomhlaba, uThixo uNkulunkulu uSomandla yilo ibizo lakhe.

uAmosi 9:6

yena owakha indlu yakhe yobukhosi ephakemeyo emazulwini njalo ubeka isisekelo sakhe phezu komhlaba, ebiza amanzi olwandle awathele phezu kobuso bomhlaba, uThixo yilo ibizo lakhe.

UMatewu 14:25

Kwathi ngomlindo wesine ebusuku uJesu waya kubo ehamba phezu kwechibi.

UMatewu 28:18

UJesu weza kubo wathi, “Wonke amandla ezulwini lasemhlabeni aphiwe mina.