AmaHubo 100:4 - IBhayibhili Elingcwele LesiNdebele

⁴ Ngenani emasangweni akhe ngokubonga lemagumeni akhe ngokudumisa; mbongeni lidumise ibizo lakhe.

iBhayibhili Elingcwele 1978

⁴ Ngenani emasangweni ethempeli layo ngokubonga, lasemagumeni alo ngokudumisa. Ibongeni, lidumise ibizo layo.

AmaHubo 100:4 ပူးပေါင်းရင်းမြစ်များ

1 ImiLando 29:13

Siyakubonga khathesi, Nkulunkulu wethu, silidumisa ibizo lakho elilodumo.

1 ImiLando 29:20

UDavida wasesithi kulolonke ibandla, “Dumisani uThixo uNkulunkulu wenu.” Ngakho bonke bamdumisa uThixo, uNkulunkulu wabokhokho babo, bathi mbo ngobuso phansi, bekhonza uThixo, behlonipha lenkosi.

AmaHubo 122:2

Inyawo zethu zimi ngaphakathi kwamasango akho, wena Jerusalema.

AmaHubo 122:4

Kulapho eziqansela khona izizwana, izizwana zikaThixo, ukudumisa ibizo likaThixo njengalokho okwamiselwa u-Israyeli, ukuba abonge ibizo likaThixo.

AmaHubo 65:1

Udumo lukulindele, Oh Nkulunkulu, eZiyoni; kuwe izifungo zethu zizagcwaliseka.

AmaHubo 66:13

Ngizakuza ethempelini Lakho lomnikelo wokutshiswa ngigcwalise izifungo zami Kuwe.

AmaHubo 95:2

Kasizeni phambi kwakhe ngokubonga simdumise ngamachacho langengoma.

AmaHubo 96:2

Hlabelani kuThixo, dumisani ibizo lakhe; memezelani insindiso yakhe insuku ngezinsuku.

AmaHubo 96:8

Mnikeni uThixo udumo olufanele ibizo lakhe. Lethani umnikelo libuye phambi kwakhe.

AmaHubo 99:3

Kabadumise ibizo Lakho elikhulu elesabekayo Yena ungcwele.

U-Isaya 35:10

njalo labahlengiweyo bakaThixo bazabuyela. Bazangena eZiyoni behlabelela, intokozo engapheliyo izakuba ngumqhele emakhanda abo. Bazakuba lokuthula lenjabulo, usizi lokububula kuzaphela.

AmaHebheru 13:15

Ngakho, ngoJesu kasinikeleni njalonjalo kuNkulunkulu umhlatshelo wokubonga, isithelo sezindebe ezivuma ibizo lakhe.