AmaHubo 10:5 - IBhayibhili Elingcwele LesiNdebele

⁵ Izindlela zakhe ziyaphumelela; uyadelela njalo lemithetho yakho ikhatshana laye aneme lapho ebona izitha zakhe.

iBhayibhili Elingcwele 1978

⁵ Indlela zakhe ziyaphumelela izikhathi zonke; izahlulelo zakho, Nkosi, ziphakeme kakhulu kulokubona kwakhe; izitha zakhe zonke uyazidelela.

AmaHubo 10:5 ပူးပေါင်းရင်းမြစ်များ

UGenesisi 6:12

UNkulunkulu wabona ukuthi umhlaba wawusuxhwale njani, ngoba bonke abantu emhlabeni basebehamba ngezindlela zabo ezixhwalileyo.

2 USamuyeli 5:6

Inkosi labantu bayo baya eJerusalema ukuyahlasela amaJebusi ayehlala khona. AmaJebusi athi kuDavida, “Kawuyikungena lapha; leziphofu labaqhulayo bangakuvimba.” Acabanga athi, “UDavida angeke angene lapha.”

1 AmaKhosi 20:13

Kusenjalo kweza umphrofethi ku-Ahabi inkosi yako-Israyeli owafika wabika esithi, “Nanku okutshiwo nguThixo: ‘Uyalibona na ibutho elikhulu kangaka? Ngizalinikela ezandleni zakho lamuhla nje, ukuze wazi ukuba nginguThixo.’ ”

UJobe 24:23

Angabayekela bahlale besizwa bevikelekile, kodwa amehlo akhe ayazibona izindlela zabo.

AmaHubo 12:5

“Ngenxa yokuncindezelwa kwabayanga lokububula kwabaswelayo, sengizavuka khathesi,” kutsho uThixo. “Ngizabavikela kulabo ababachukuluzayo.”

AmaHubo 73:3

Ngasuka ngahawukela abaklolodayo ngibona ukuphumelela kwezigangi.

Izaga 1:19

Sinjalo isiphetho salabo abadinga inzuzo ngobugebenga; kuyayichitha impilo yalabo abayitholayo.

Izaga 15:24

Indlela yempilo iyimpumelelo kohlakaniphileyo ukuze angalengeli engcwabeni.

Izaga 2:13

abatshiya izindlela eziqondileyo, bahambe ngezindlela ezilamathunzi,

Izaga 2:15

abandlela zabo zitshekile lokuhamba kwabo kakuqondakali.

Izaga 24:1

Ungabahawukeli abantu abaxhwalileyo, ungafisi ubungane labo;

U-Isaya 10:1

Maye kulabo abenza imithetho emibi, lakulabo ababhala izimiso ezincindezelayo,

U-Isaya 26:11

Oh Thixo, isandla sakho siphakanyiselwe phezulu, kodwa kabasiboni. Babonise ukutshisekela kwakho abantu bakho bayangiswe; umlilo olungiselwe izitha zakho kawubaqede.

U-Isaya 28:15

Lizitshaya izifuba lisithi, “Senze isivumelwano lokufa, senza isivumelwano lethuna. Nxa isijeziso esikhulu sifika, kasiyikusithinta, ngoba senze amanga aba yisiphephelo sethu lenkohliso yaba yindawo yethu yokucatsha.”

U-Isaya 42:25

Ngakho wathela ulaka lwakhe oluvuthayo phezu kwabo, ukutshisa kwempi. Wabamboza ngamalangabi, kodwa kabezwisisanga. Wabaqothula, kodwa kabakhathalanga.

U-Isaya 5:12

Balamachacho lemihubhe emadilini abo, amagedla, imihlanga, lewayini, kodwa kabazinaki izenzo zikaThixo, akukho nhlonipho yomsebenzi wezandla zakhe.

UHosiya 14:9

Ngubani ohlakaniphileyo? Uzazibona lezizinto. Ngubani oqedisisayo? Uzazizwisisisa. Izindlela zikaThixo zilungile abalungileyo bahamba kuzo, kodwa abahlamuki bayakhubeka kuzo.

UHosiya 9:9

Batshone baphelela ekonakaleni, njengasezinsukwini zaseGibhiya. UNkulunkulu uzakukhumbula ukuxhwala kwabo abajezisele izono zabo.

AbaseRoma 3:16

incithakalo losizi kuphawula izindlela zabo,

Abahluleli 9:27

Kwathi sebeye emasimini babutha amagrebisi bawagxoba, baba ledili ethempelini likankulunkulu wabo. Kwathi besidla njalo benatha, bamthuka u-Abhimelekhi.

Abahluleli 9:38

UZebhuli wasesithi kuye, “Kungaphi ukukloloda kwakho manje, wena owathi, ‘Ungubani u-Abhimelekhi ukuba asibuse na?’ Laba kabasibo yini abantu owawubahleka? Phuma uyekulwa labo!”