AmaHubo 1:1 - IBhayibhili Elingcwele LesiNdebele

¹ Ubusisiwe umuntu ongahambi ngezeluleko zababi; ongemiyo endleleni yezoni; ongahlaliyo esihlalweni sabaklolodayo.

iBhayibhili Elingcwele 1978

¹ Ubusisiwe umuntu ongahambi ngezeluleko zababi, ongalaleli izeluleko zezoni, ongahlaliyo labaklolodayo;

AmaHubo 1:1 ပူးပေါင်းရင်းမြစ်များ

UGenesisi 49:6

Mangingangeni enkundleni yabo, mangingangeni emhlanganweni wabo, ngoba bababulala abantu ngokuthukuthela kwabo njalo inkabi baziquma imisipha santando.

UGenesisi 5:24

U-Enoki wahamba ngokuthembeka loNkulunkulu; wanyamalala, ngoba uNkulunkulu wamthatha.

1 AmaKhosi 16:31

Kwathi lanxa ebona kungasilutho ukungena ebubini bukaJerobhowamu indodana kaNebhathi, wathatha uJezebheli indodakazi ka-Ethibhali inkosi yamaSidoni, waseqalisa ukukhonza lokusebenzela uBhali.

2 ImiLando 22:3

Laye ngomunye owalandela izindlela zabendlu ka-Ahabi, ngoba unina wamkhuthaza ukwenza okubi.

UJobe 10:3

Kuyakuthabisa na ukungizwisa ubuhlungu, ukulahla umsebenzi wezandla zakho, ikanti uyahlekelela ngamacebo ababi?

UJobe 21:16

Kodwa ukuphumelela kwabo kakukho ezandleni zabo, ngakho kangisondeli ezelulekweni zababi.

UJobe 31:5

Nxa ngike ngahamba ngokwamanga loba unyawo lwami lwakhuthalela inkohliso

AmaHubo 1:6

Ngoba uThixo uyayilinda indlela yabalungileyo, kodwa indlela yababi iya ekubhujisweni.

AmaHubo 106:3

Babusisiwe labo abahlala besenza ngendlela enhle, abahlezi besenza okulungileyo.

AmaHubo 112:1

Dumisani uThixo. Ubusisiwe umuntu owesaba uThixo, othokoza kakhulu ngemilayo yakhe.

AmaHubo 119:115

Sukani kimi lina benzi bobubi, ukuze ngikwazi ukugcina imilayo kaNkulunkulu wami!

AmaHubo 144:15

Babusisiwe labobantu lokhu okuzakwenzakala kubo; babusisiwe abantu oNkulunkulu wabo ngu Thixo.

AmaHubo 146:5

Ubusisiwe lowo osizo lwakhe lunguNkulunkulu kaJakhobe, othemba lakhe likuThixo uNkulunkulu wakhe.

AmaHubo 146:9

UThixo uyabalinda abezizweni asekele izintandane labafelokazi, kodwa anyampise izindlela zababi.

AmaHubo 2:12

Ikhothameleni iNdodana, funa ithukuthele beselibhujiswa endleleni yenu, ngoba intukuthelo yakhe ingavutha ngesikhatshana. Babusisiwe bonke abaphephela kuye.

AmaHubo 26:12

Inyawo zami zimi emhlabathini ochayileyo; ngizamdumisa uThixo emhlanganweni omkhulu.

AmaHubo 34:8

Nambithani libone ukuthi uThixo ulungile; ubusisiwe umuntu ophephela Kuye.

AmaHubo 36:4

Kwala loba silele siceba ububi; sizinikela endleleni yobubi njalo kasikulahli okubi.

AmaHubo 64:2

Ngifihla emacebeni abantu ababi, kulokho kuxokozela kwezixhwali.

AmaHubo 81:12

Ngakho ngasengibayekela ngezinhliziyo zabo zobuqholo ukuthi balandele lokho abakufunayo.

AmaHubo 84:12

Oh Thixo Somandla, ubusisiwe umuntu owethemba kuwe.

Izaga 1:15

ndodana yami, ungahambi lazo, ungalugxobi olwakho ezindleleni zazo;

Izaga 1:22

“Koze kube nini lina zithutha lithanda ubuthutha benu na? Koze kube nini izideleli zikholisa ukudelela leziphukuphuku zizonda ulwazi na?

Izaga 13:15

Ukuzwisisa okuhle kuletha ukuthandeka, kodwa indlela yabakhohlisayo inzima.

Izaga 13:20

Ohamba lezihlakaniphi uyahlakanipha, kodwa othandana leziwula uwela engozini.

Izaga 19:29

Izijeziso zilungiselwe izideleli, loswazi ngolwemihlane yeziwula.

Izaga 2:12

Ukuhlakanipha kuzakusindisa ezindleleni zabantu ababi, abantu abamazwi abolileyo,

Izaga 3:34

Uyabahleka usulu abayizideleli ezizithembayo, kodwa abe lomusa kwabathobekileyo.

Izaga 4:19

Kodwa indlela yababi ifana lomnyama omkhulu; kabazi ukuthi kuyini okubakhubayo.

Izaga 9:12

Nxa uhlakaniphile, ukuhlakanipha kwakho kuzakusiza; aluba uyisiqholo, uzahlupheka wedwa.

UJeremiya 15:17

Kangizange ngihlale enhlanganisweni yabazithokozisayo, kumbe ngijabule labo; ngahlala ngedwa ngoba isandla sakho sasiphezu kwami njalo wawungenze ngagcwala intukuthelo.

UJeremiya 17:7

Kodwa ubusisiwe umuntu othemba uThixo, othemba lakhe likuye.

UHezekhiyeli 20:18

Ngatsho ebantwaneni babo enkangala ngathi, “Lingalandeli izimiso zaboyihlo loba ligcine imithetho yabo loba lizingcolise ngezithombe zabo.

UMatewu 16:17

UJesu waphendula wathi, “Ubusisiwe wena Simoni, ndodana kaJona ngoba lokhu kawukwambulelwanga ngumuntu wegazi lenyama kodwa nguBaba osezulwini.

ULukha 11:28

Waphendula wathi, “Kungenani, ababusisiweyo yilabo abalizwayo ilizwi likaNkulunkulu baliphile.”

ULukha 23:51

owayengakuvumanga lokho abakuqumayo labakwenzayo. Yena wayevela edolobheni lakoJuda okwakuthiwa yi-Arimathiya, njalo wayelindele umbuso kaNkulunkulu.

UJohane 13:17

Lingaze lizazi lezizinto lizabusiswa nxa lizenza.”

UJohane 20:29

UJesu wasemtshela wathi, “Usukholiwe ngoba usungibonile; babusisiwe labo abathi bengabonanga, kodwa sebekholiwe.”

AbaseRoma 5:2

esifinyelele ngaye umusa esimi kuwo khathesi ngokukholwa. Njalo siyathokoza ngethemba enkazimulweni kaNkulunkulu.

Abase-Efesu 6:13

Ngakho-ke, fakani isihlangu esipheleleyo sikaNkulunkulu ukuze kuthi lapho usuku lobubi lufika libe lamandla okuma kuthi lalapho selenze konke, lime.

UDutheronomi 14:6

Lingadla zonke izinyamazana ezilenklagu ezivulekileyo lezentshisayo.

UDutheronomi 33:29

Ubusisiwe wena, Oh Israyeli! Ngubani onjengawe, abantu abahlengwa nguThixo? Ulihawu lakho lomsizi wakho njalo uyinkemba yakho ekhazimulayo. Izitha zakho zizatshotshobala phambi kwakho njalo uzazinyathela phansi zonke izindawo zabo zokukhonza eziphakemeyo.”

1 UPhethro 4:3

Ngoba selichithe isikhathi esaneleyo ngaphambili lisenza lokho abahedeni abakhetha ukukwenza, impilo yobudlova, inkanuko, lokudakwa, ukuzitika, ukuzivusa amadlabuzane kanye lezithombe eziyisinengiso.

Isambulo 22:14

Babusisiwe labo abagezisa izembatho zabo ukuze babe lelungelo esihlahleni sokuphila njalo bangene ngesango edolobheni.