AbaseGalathiya 5:23 - IBhayibhili Elingcwele LesiNdebele

²³ lobumnene kanye lokuzithiba. Ezintweni ezinje akulamthetho.

iBhayibhili Elingcwele 1978

²³ lobumnene, lokuzithinta; kokunje kakulamlayo.

AbaseGalathiya 5:23 ပူးပေါင်းရင်းမြစ်များ

UJeremiya 33:6

Kodwa, ngizaletha ukuphila lokusiliswa kulo. Abantu bami ngizabasilisa ngibenze bajabulele ukuthula okukhulu kanye lokuvikeleka.

Imisebenzi 24:25

UPhawuli wathi esebalisa ngokulunga, langokuzithiba langokwahlulelwa okuzayo uFelikhe wesaba wathi, “Sekwanele okwamanje! Usungahamba. Kungaze kulunge njalo ngizakubiza.”

1 AbaseKhorinte 9:25

Umuntu wonke oncintisayo emidlalweni uba sekufundisweni okulukhuni. Bakwenzela ukuzuza umqhele wamaluba ongasoze uhlale isikhathi eside, kodwa thina sikwenzela ukuba sithole umqhele ozahlala ukhona kuze kube laphakade.

AbaseGalathiya 5:18

Kodwa nxa likhokhelwa nguMoya, kalikho ngaphansi komthetho.

1 uTimothi 1:9

Siyakwazi lokuthi umthetho kawenzelwanga abantu abalungileyo kodwa wenzelwa abeqa imithetho labahlamuki, abangamaziyo uNkulunkulu labayizoni, abangalunganga labangakholwayo; wenzelwa ababulala oyise labonina, lababulali,

UThithu 1:8

Kodwa kumele abe ngophatha kuhle izihambi, othanda okuhle, ozikhuzayo, oqondileyo, ongcwele lozithibayo.

UThithu 2:2

Fundisa amadoda amadala ukuzithiba, afanele ukuhlonitshwa, azikhuze, njalo aqine ekukholweni, ethandweni kanye lasekubekezeleni.