AbaseGalathiya 2:20 - IBhayibhili Elingcwele LesiNdebele

²⁰ Sengibethelwe kanye loKhristu, akuseyimi engiphilayo, kodwa uKhristu uphila phakathi kwami. Ukuphila engikuphila emzimbeni, ngikuphila ngokukholwa eNdodaneni kaNkulunkulu, eyangithandayo njalo yazinikela ngenxa yami.

iBhayibhili Elingcwele 1978

²⁰ Ngibethelwe kanye loKristu; kakuseyimi ophilayo, kodwa uKristu uphila kimi; ukuphila engikuphila khathesi ngikuphila ngokukholwa iNdodana kaNkulunkulu eyangithandayo, yazinikela ngenxa yami.

AbaseGalathiya 2:20 ပူးပေါင်းရင်းမြစ်များ

Ingoma 7:10

Ngingowaso isithandwa sami, silangathela mina.

UMatewu 20:28

njengalokhu iNdodana yoMuntu ingezanga ukuzokhonzwa kodwa ukuzokhonza lokunikela impilo yayo njengenhlawulo yabanengi.”

UMatewu 4:3

Umlingi weza kuye wathi, “Nxa uyiNdodana kaNkulunkulu tshela amatshe la aphenduke abe yisinkwa.”

UJohane 1:49

UNathaneli wasefakaza wathi, “Rabi, uyindodana kaNkulunkulu; uyiNkosi ka-Israyeli.”

UJohane 10:11

Ngingumelusi olungileyo. Umelusi olungileyo unikela ukuphila kwakhe izimvu zakhe.

UJohane 15:13

Kakho olothando olukhulu kulonikela ukuphila kwakhe ngenxa yabangane bakhe.

UJohane 17:21

ukuthi bonke babemunye Baba njengoba wena ukimi lami ngikuwe. Sengathi labo bangaba kithi ukuze umhlaba ukholwe ukuthi ungithumile.

UJohane 3:16

UNkulunkulu walithanda ilizwe kangaka waze wanikela iNdodana yakhe eyiyo yodwa ukuze kuthi loba ngubani okholwa kuyo angabhubhi, kodwa abe lokuphila okungapheliyo.

UJohane 3:35

UYise uyayithanda iNdodana njalo useyiphe amandla phezu kwezinto zonke.

UJohane 6:57

Njengoba uBaba ophilayo wangithuma njalo ngiphila ngenxa kaBaba, kanjalo lowo odla mina uzaphila ngenxa yami.

UJohane 6:69

Thina siyakholwa njalo siyazi ukuthi ungoNgcwele kaNkulunkulu.”

Imisebenzi 8:36

Bathi belokhu behamba ngomgwaqo bafika lapho okwakulamanzi khona, indoda engumthenwa yathi, “Khangela, nanka amanzi. Kulani ukuthi ngihle ngibhaphathizwe na?” [

Imisebenzi 9:20

Waseqalisa ukutshumayela emasinagogweni ukuthi uJesu uyiNdodana kaNkulunkulu.

AbaseRoma 1:17

Ngoba ukulunga okuvela kuNkulunkulu kubonakaliswa evangelini, ukulunga okungokukholwa kusukela ekuqaleni kusiya ekucineni, njengoba kulotshiwe ukuthi: “Abalungileyo bazaphila ngokukholwa.”

AbaseRoma 14:7

Ngoba kakho phakathi kwethu oziphilela yena yedwa njalo kakho phakathi kwethu ozifelayo yena yedwa.

AbaseRoma 3:22

Ukulunga lokhu okuvela kuNkulunkulu kufika kubo bonke abakholwa kuJesu Khristu. Akulamehluko phakathi komJuda loweZizwe,

AbaseRoma 4:25

Wanikelwa ekufeni ngenxa yezono zethu njalo wavuselwa ekuphileni ukuze silungisiswe.

AbaseRoma 5:2

esifinyelele ngaye umusa esimi kuwo khathesi ngokukholwa. Njalo siyathokoza ngethemba enkazimulweni kaNkulunkulu.

AbaseRoma 5:6

Liyabona, ngesikhathi esifaneleyo, lapho sisesebuthakathaka, uKhristu wafela abangakholwa kuNkulunkulu.

AbaseRoma 5:8

Kodwa uNkulunkulu ubonakalisa uthando lwakhe kithi ngalokhu: Siseseyizoni, uKhristu wasifela.

AbaseRoma 6:13

Linganikeli izitho zemizimba yenu esonweni njengezikhali zobubi, kodwa zinikeleni kuNkulunkulu njengabavuswe kwabafileyo balethwa ekuphileni; linikele izitho zemizimba yenu kuye njengezikhali zokulunga.

AbaseRoma 6:8

Nxa safa loKhristu, siyakholwa ukuthi sizaphila laye.

AbaseRoma 8:10

Kodwa nxa uKhristu ekini, umzimba wenu ufile ngenxa yesono, kodwa umoya wenu uyaphila ngenxa yokulunga.

AbaseRoma 8:37

Hatshi, kuzozonke lezizinto singaphezu kokuba ngabanqobi ngaye owasithandayo.

1 AbaseKhorinte 6:17

Kodwa lowo ozihlanganisa leNkosi munye layo emoyeni.

2 AbaseKhorinte 1:24

Akusikuthi silibamba ngamandla ekukholweni kwenu kodwa sisebenza lani ukuze lithokoze, ngoba liqiniswa lukholo.

2 AbaseKhorinte 10:3

Ngoba lanxa sihlala emhlabeni, kasilwi mpi njengokwenziwa ngumhlaba.

2 AbaseKhorinte 11:10

Ngeqiniso elinjengoba iqiniso likaKhristu likhona kimi, akulamuntu ezigabeni zase-Akhayiya ozangalisa ukuzincoma kwami lokhu.

2 AbaseKhorinte 13:3

njengoba lifuna ubufakazi bokuthi uKhristu ukhuluma ngami. Yena kabuthakathaka ekuliphatheni kwakhe kodwa ulamandla phakathi kwenu.

2 AbaseKhorinte 13:5

Zihloleni ukuba libone ingabe lisekukholweni, zihloleni. Kaliboni yini ukuthi uKhristu uJesu uphakathi kwenu, ngaphandle nje kokuba lehluleke ekuhlolweni?

2 AbaseKhorinte 5:14

Ngoba uthando lukaKhristu luyasifuqa, ngoba siyakholwa ukuba oyedwa wafela bonke, ngakho bonke bafa.

2 AbaseKhorinte 5:15

Wafela abantu bonke ukuze abaphilayo bangaziphileli bona ngokwabo kodwa lowo owabafelayo wavuswa njalo.

2 AbaseKhorinte 5:7

Ngoba siphila ngokukholwa hatshi ngokubona.

AbaseGalathiya 1:4

owazinikela ngenxa yezono zethu ukuthi asihlenge kulesisikhathi esibi, ngenxa yentando kaNkulunkulu uBaba wethu,

AbaseGalathiya 2:16

siyakwazi ukuthi umuntu kalungisiswa yikugcina umthetho kodwa yikukholwa kuJesu Khristu. Ngakho-ke, lathi futhi, sibeke ukukholwa kwethu kuKhristu uJesu ukuba silungiswe yikukholwa kuKhristu hatshi ngokugcina umthetho ngoba kakho ozalungisiswa ngokugcina umthetho.

AbaseGalathiya 3:11

Kusobala ukuthi akakho olungisiswa ngomthetho phambi kukaNkulunkulu ngoba, “Abalungileyo bazaphila ngokukholwa.”

AbaseGalathiya 5:24

Labo abangabakaKhristu uJesu sebayibethela esiphambanweni imvelo yabo yesono lokufutheka kwayo kanye lezinkanuko.

AbaseGalathiya 6:14

Mina kangingazincomi lanini ngaphandle kwangesiphambano seNkosi yethu uJesu Khristu, umhlaba wonke owabethelwa ngaso kimi, lami njalo emhlabeni.

Abase-Efesu 3:17

ukuze uKhristu ahlale ezinhliziyweni zenu ngokukholwa. Ngikhulekela ukuba ligxile njalo liqine othandweni,

Abase-Efesu 5:2

liphile impilo yothando, njengalokhu uKhristu wasithanda wazinikela ngenxa yethu njengomnikelo olephunga elimnandi lomhlatshelo kaNkulunkulu.

Abase-Efesu 5:25

Madoda thandani omkenu njengoKhristu owathanda ibandla wazinikela ngenxa yalo

AbaseFiliphi 1:21

Ngoba kimi, ukuphila kunguKhristu lokufa kuyinzuzo.

AbaseFiliphi 4:13

Ngingazenza zonke izinto ngaye onginika amandla.

AbaseKholose 1:27

UNkulunkulu wathanda ukubazisa phakathi kwabeZizweni inotho emangalisayo yemfihlakalo le, enguKhristu phakathi kwenu, ithemba lenkazimulo.

1 AbaseThesalonika 1:10

lilindele leNdodana yakhe evela ezulwini, ayivusayo kwabafileyo, uJesu osihlenga elakeni oluzayo.

1 AbaseThesalonika 5:10

Wasifela ukuze loba sikhangele kumbe silele, siphile laye.

UThithu 2:14

owazinikela ngenxa yethu ukuba asihlenge ebubini bonke kanye lokuthi azihlambululele abantu abangabakhe, abatshisekela ukwenza okuhle.

AmaHebheru 8:3

Umphristi omkhulu ngamunye ubekelwe ukunikela izipho lemihlatshelo, ngakho kwakufanele ukuba lalo abe lolutho alunikelayo.

1 UPhethro 1:8

Lanxa lingambonanga, liyamthanda; njalo lanxa lingamboni khathesi, liyakholwa kuye njalo ligcwele intokozo engakhulumekiyo lemangalisayo,

1 UJohane 1:7

Kodwa nxa sihamba ekukhanyeni, njengoba esekukhanyeni, silokuhlanganyela omunye lomunye legazi likaJesu iNdodana yakhe liyasihlambulula ezonweni zonke.

1 UJohane 4:14

Sibonile njalo siyafakaza ukuthi uBaba uyithumele iNdodana yakhe ukuba ibe nguMsindisi womhlaba.

1 UJohane 5:20

Siyakwazi lokuthi iNdodana kaNkulunkulu yeza yasinika ukuqedisisa, ukuze siyazi yona eqotho. Njalo sikuye yena oqotho kanye laseNdodaneni yakhe uJesu Khristu. Yena unguNkulunkulu oqotho kanye lokuphila okulaphakade.

Isambulo 1:5

lokuvela kuJesu Khristu, ongufakazi othembekileyo, izibulo kwabafileyo, lombusi wamakhosi asemhlabeni. Kuye osithandayo lowasikhululayo ezonweni zethu ngegazi lakhe,

Isambulo 3:20

Mina ngilapha! Ngimi emnyango ngiqoqoda. Nxa kukhona ozwa ilizwi lami avule umnyango, ngizangena ngidle laye, laye adle lami.