AbaseGalathiya 1:13 - IBhayibhili Elingcwele LesiNdebele

¹³ Selizwile ngokuhamba kwami kwakuqala enkolweni yesiJuda, ukuthi ngalihlukuluza ngaliphatha ngochuku ibandla likaNkulunkulu njalo ngazama lokulichitha.

iBhayibhili Elingcwele 1978

¹³ Selizwile ngokuhamba kwami kwakuqala ekukholweni kobuJuda, ukuthi ngalizingela kakhulu ibandla likaNkulunkulu, ngazama ukulichitha;

AbaseGalathiya 1:13 ပူးပေါင်းရင်းမြစ်များ

Imisebenzi 8:1

LoSawuli wayekhona evumelana lokubulawa kwakhe. Ngalelolanga kwaqalisa isiphithiphithi esibi sokuhlukuluza ibandla eJerusalema, kwathi bonke ngaphandle kwabapostoli bahlakazeka kulolonke iJudiya leSamariya.

Imisebenzi 8:3

Kodwa uSawuli waqalisa ukulichitha ibandla. Wahamba engena izindlu ngezindlu ephuthuma abesilisa labesifazane esiyabaphosela entolongweni.

Imisebenzi 9:21

Bonke labo abamuzwayo bamangala babuza bathi, “Kasuye yini umuntu lo owenza isihluku eJerusalema kulabo abalibizayo lelibizo na? Njalo kabuyanga yini lapha ukuzabathatha beyizibotshwa abese kubaphristi abakhulu na?”

Imisebenzi 9:26

Wathi esefikile eJerusalema wazama ukuhlangana labafundi, kodwa bonke babemesaba, bengakholwa ukuthi ngempela wayesengumfundi.

1 AbaseKhorinte 10:32

Lingakhubekisi muntu, loba kungamaJuda, amaGrikhi loba ibandla likaNkulunkulu,

1 AbaseKhorinte 15:9

Ngoba mina ngingomncane kubapostoli njalo kangifanelanga lokuthiwa ngingumpostoli ngoba ngahlukuluza ibandla likaNkulunkulu.

AbaseFiliphi 3:6

ngokutshiseka, ngahlukuluza ibandla; ngokulunga okugxile emthethweni, angilacala.

1 uTimothi 1:13

Lanxa ngake ngaba ngumhlambazi, lomhlukuluzi, lesidlwangudlwangu, ngenzelwa isihawu ngoba ngakwenza ngokungazi langokungakholwa.

1 uTimothi 1:14

Umusa weNkosi wathululelwa phezu kwami ngokwanda okukhulu, ndawonye lokukholwa kanye lothando olukuKhristu uJesu.