AbaseFiliphi 3:7 - IBhayibhili Elingcwele LesiNdebele

⁷ Kodwa loba kuyini okwakuyinzuzo kimi khathesi ngikubala njengokulahlekelwa ngenxa kaKhristu.

iBhayibhili Elingcwele 1978

⁷ Kantike lokho okwakuyinzuzo kimi ngakutshaya ize ngenxa kaKristu.

AbaseFiliphi 3:7 ပူးပေါင်းရင်းမြစ်များ

UGenesisi 19:17

Bonela ukuthi bakhutshwe, omunye wazo wathi, “Balekani liqinise! Lingakhangeli emuva, njalo lingemi ndawo emagcekeni! Balekelani ezintabeni funa likhukhulwe!”

UGenesisi 19:26

Kodwa umkaLothi wakhangela emuva, waphenduka isiduli setswayi.

UJobe 2:4

USathane waphendula wathi, “Isikhumba ngesikhumba! Umuntu anganikela loba yini alayo ukusiza impilo yakhe.

Izaga 13:8

Inotho yomuntu ingahlenga impilo yakhe, kodwa umyanga uvele kasongelwa muntu.

Izaga 23:23

Thenga iqiniso ungalithengisi; zuza ukuhlakanipha lokuzikhuza lokuzwisisa.

UmTshumayeli 3:6

isikhathi sokudinga lesikhathi sokukhalala, isikhathi sokugcina lesikhathi sokulahla,

UMatewu 16:26

Kuzamsiza ngani umuntu ukuzuza wonke umhlaba kodwa alahlekelwe ngumphefumulo wakhe na? Kambe umuntu angaphani esikhundleni sempilo yakhe na?

UMakho 10:50

Walahla ijazi lakhe phansi wasukuma weza kuJesu.

ULukha 14:26

“Nxa umuntu esiza kimi, kodwa engeke azonda uyise lonina, umkakhe labantwana, abafowabo labodadewabo, kanye lempilo yakhe uqobo, ngeke abe ngumfundi wami.

ULukha 14:33

Ngaleyondlela, loba ngubani phakathi kwenu ongadeli konke alakho ngeke abe ngumfundi wami.

ULukha 16:8

Inkosi yamncoma lowomphathi owayeliqili ngoba wayenze ukuhlakanipha. Ngoba abantu balumhlaba balezindledlana zabo zokuhlakanipha ekuphathaneni kwabo ukwedlula abantu bokukhanya.

Imisebenzi 27:38

Bathi sebedlile basutha, baphungula ukusindwa komkhumbi ngokuchithela amabele olwandle.

AmaHebheru 11:26

Wakhetha ihlazo ngenxa kaKhristu njengegugu elikhulu kulenotho yaseGibhithe ngoba wayekhangelele umvuzo phambili.