2 ImiLando 5:12 - IBhayibhili Elingcwele LesiNdebele

¹² Bonke abaLevi ababengabahlabeleli, u-Asafi, uHemani, uJeduthuni lamadodana abo lezihlobo zabo bamela ngempumalanga kwe-alithari, begqoke ilineni elihle njalo betshaya izigubhu, amachacho lemiqangala. Babephelekezelwa ngabaphristi abalikhulu lamatshumi amabili (120) bekhalisa amacilongo.

iBhayibhili Elingcwele 1978

¹² abahlabeleli bonke bamaLevi oAsafi loHemani loJeduthuni, lamadoda abo lezihlobo zabo, begqoke amalembu amahle, bephethe izigubhu lamachacho lemihubhe, bema ngasempumalanga kwealtare kanye labapristi abalikhulu lamatshumi amabili bekhalisa izimpondo.

2 ImiLando 5:12 ပူးပေါင်းရင်းမြစ်များ

1 ImiLando 13:8

UDavida labo bonke abako-Israyeli babejabula bezithokozisa ngamandla abo wonke phambi kukaNkulunkulu, ngezingoma betshaya lamachacho, lezingungu, lezigubhu, lamacilongo.

1 ImiLando 15:24

loShebhaniya, loJoshafathi loNethaneli, lo-Amasayi, loZakhariya, loBhenaya kanye lo-Eliyezari bengabaphristi bokuvuthela icilongo phambi kwebhokisi lesivumelwano sikaNkulunkulu. U-Obhedi-Edomi loJehiya labo babengabalindi beminyango yebhokisi lesivumelwano.

1 ImiLando 15:27

UDavida labo bonke abaLevi ababethwele ibhokisi lesivumelwano sikaThixo labahlabeleli loKhenaniya umkhokheli wabahlabeleli babegqoke izigqoko zelembu lelineni elihle, uDavida wayegqoke lesigqoko semahlombe selineni elihle.

1 ImiLando 23:30

Njalo babemele beme ngezinyawo ekuseni nsuku zonke ukubonga lokudumisa uThixo. Kwakufanele benzenjalo lantambama,

1 ImiLando 23:5

Abazinkulungwane ezine bazakuba ngabalindi bamasango kuthi abazinkulungwane ezine badumise uThixo ngamachacho lezigubhu engizigcinele lowomsebenzi.”

1 ImiLando 6:33

Bona ababekhethelwe lowomsebenzi kanye lamadodana abo yilaba: Kwabendlu kaKhohathi yilaba: nguHemani umhlabeleli, indodana kaJoweli, indodana kaSamuyeli

1 ImiLando 6:39

U-Asafi umkhula kaHemani owasebenza laye ngasesandleni sakhe sokudla: U-Asafi indodana kaBherekhiya, indodana kaShimeya,

2 ImiLando 29:25

AbaLevi yababeka phakathi kwethempeli likaThixo belezigubhu, lamachacho lemihubhe njengalokho okwakumiswe nguDavida loGadi umboni wenkosi loNathani umphrofethi; lokhu kwakungumlayo kaThixo oweza ngabaphrofethi bakhe.

2 ImiLando 29:26

Ngakho abaLevi balinda belamachacho kaDavida, abaphristi belamacilongo.

2 ImiLando 7:6

Abaphristi bema ngezindawo zabo, njengoba labaLevi labo bema ngamachacho lawo inkosi uDavida eyayivele iwenzele ukudumisa uThixo njalo ayevele esetshenziswa nxa ebonga, esithi, “Uthando lwakhe lumi kuze kube nininini.” Maqondana labaLevi, abaphristi babevuthela amacilongo abo, njalo bonke abako-Israyeli babemi.

AmaHubo 149:3

Kabadumise ibizo lakhe ngokusina, batshaye amagedla lamachacho.

AmaHubo 50:1

USomandla, uNkulunkulu, uThixo, uyakhuluma, ubiza umhlaba kusukela okuphuma khona ilanga kuze kufike lapho elitshona khona.

AmaHubo 62:1

Umphefumulo wami ufumana ukuphumula kuNkulunkulu kuphela; ukusindiswa kwami kuvela kuye.

AmaHubo 68:25

Phambili ngabahlabeleli, kulandele abamachacho; phakathi kwabo kulamantombazana atshaya amagedla.

AmaHubo 88:1

Oh Thixo, Nkulunkulu ongisindisayo, ebusuku lemini ngikhala kuwe.

AmaHubo 92:3

ukutshaya iziginci ngomhubhe wezintambo ezilitshumi lemvungamo emnandi yechacho.

Isambulo 15:6

Ethempelini kwaphuma izingilosi eziyisikhombisa zilezifo eziyisikhombisa. Zazigqoke ilembu elihlanzekileyo, elicazimulayo njalo zibophe izifuba zazo ngamabhanti egolide.

Isambulo 19:8

Ilineni elihle elicazimulayo elihlanzekileyo uliphiwe ukuba agqoke.” (Ilineni elihle limele imisebenzi emihle yabangcwele.)