2 ImiLando 3:4 - IBhayibhili Elingcwele LesiNdebele

⁴ Umkhandlwana owawuphambi kwethempeli wawubanzi okwezingalo ezingamatshumi amabili ulingana lowethempeli njalo umude ukuyaphezulu lakho kuzingalo ezingamatshumi amabili. Ngaphakathi wagudula ngegolide elihle.

iBhayibhili Elingcwele 1978

⁴ Umkoto owawungaphambi kwendlu ububanzi bawo babuzingalo ezingamatshumi amabili, ulingana lobubanzi bendlu, ukuphakama kwawo kuzingalo ezingamatshumi amabili. Wawugudulwe ngaphakathi ngegolide elihle.

2 ImiLando 3:4 ပူးပေါင်းရင်းမြစ်များ

1 AmaKhosi 6:3

Isigaba sekhulusi elingaphambi kwendlu enkulu yethempeli sengezelela ububanzi lokuqhela kwethempeli, ngezingalo ezingamatshumi amabili njalo sasiphutsha ukwedlula indlu enkulu kusiya phambi kwayo ngezingalo ezilitshumi.

2 ImiLando 29:17

Baqalisa ukwahlukanisela ngosuku lwakuqala lwenyanga yakuqala, kwathi ngosuku lwesificaminwembili lwenyanga bafika emphempeni kaThixo. Ngezinsuku ezilandelayo ezificaminwembili bangcwelisa ithempeli likaThixo uqobo, baze baqeda ngosuku lwetshumi lesithupha lwenyanga yakuqala.

UHezekhiyeli 40:48

Wabuya wangisa entubeni lethempeli waselinganisa izinsika zengenelo; zazizingalo ezinhlanu ububanzi amacele womabili. Ububanzi bentuba babuzingalo ezilitshumi lane njalo imiduli yayo ephumele phandle ububanzi bayo babuzingalo ezintathu amacele womabili.

UJohane 10:23

uJesu esemagumeni ethempeli ezihambela eKhulusini likaSolomoni.

Imisebenzi 3:11

Isiceli sisathe sece kuPhethro loJohane, bonke abantu bamangala beza kubo begijima endaweni eyayithiwa liKhulusi likaSolomoni.

Imisebenzi 5:12

Abapostoli benza imimangaliso lezimanga ezinengi ebantwini. Amakholwa wonke ayevame ukuhlangana ndawonye eKhulusini likaSolomoni.