2 ImiLando 16:9 - IBhayibhili Elingcwele LesiNdebele

⁹ Ngoba amehlo kaThixo athungatha umhlaba wonke ukuze aqinise labo abanhliziyo zabo zizimisele kuye. Usuwenze ubuwula, ngakho kusukela khathesi uzahlala usempini.”

iBhayibhili Elingcwele 1978

⁹ Ngoba amehlo eNkosi uNkulunkulu athalaza emhlabeni wonke ukuba ibatshengise amandla ayo ngenxa yalabo abalenhliziyo ezipheleleyo kuyo. Wena wenzile ubuthutha kulokhu, ngakho kusukela lamhlanje uzakuba lezimpi ezinengi.

2 ImiLando 16:9 ပူးပေါင်းရင်းမြစ်များ

UGenesisi 31:28

Kawuzange ume ukuthi ngange abazukulu bami lamadodakazi ami ngibavalelise. Wenze into eyibuthutha.

2 USamuyeli 24:10

Emva kokubala abantu bokulwa uDavida wakhathazeka enhliziyweni yakhe, wasesithi kuThixo, “Ngonile kakhulu ngalokhu engikwenzileyo. Khathesi-ke, awu Thixo, ngiyakuncenga, susa icala lenceku yakho. Ngenze ubuwula obukhulu kakhulu.”

1 AmaKhosi 15:32

Kwaba lempi phakathi kuka-Asa loBhasha inkosi yako-Israyeli ngesikhathi sonke sokubusa kwabo.

2 AmaKhosi 20:3

“Khumbula, Thixo, ukuthi ngihambe phambi kwakho ngokuthembeka langokuzinikela ngenhliziyo yami yonke, njalo ngenze okuhle emehlweni akho.” UHezekhiya wakhala kabuhlungu.

1 ImiLando 21:8

Ngakho uDavida wasesithi kuNkulunkulu, “Ngonile kakhulu phambi kwakho ngokwenza lokhu. Ngakho, ngiyakuncenga, susa umlandu lo encekwini yakho. Ngenze ubuwula obukhulu kakhulu.”

2 ImiLando 15:17

Lanxa engasusanga izindawo zokukhonzela ko-Israyeli, u-Asa wayezinikele kuThixo ngenhliziyo yakhe yonke empilweni yakhe yonke.

2 ImiLando 15:19

Akusazange kube lempi kwaze kwaba ngumnyaka wamatshumi amathathu lanhlanu wokubusa kuka-Asa.

2 ImiLando 16:10

U-Asa wazondela umboni ngenxa yalokho; wathukuthela wahle wamfaka entolongweni. Kusenjalo u-Asa waphatha abanye babantu ngochuku.

2 ImiLando 19:9

Wabanika iziqondiso ezithi: “Kumele lethembeke ngokumesaba uThixo, ngobuqotho langenhliziyo nye epheleleyo.

2 ImiLando 6:20

Ebusuku lemini amehlo akho kakhangele lindlu, yona eyindawo owathi iBizo lakho lizakuba kuyo. Akuzwe umkhuleko wenceku yakho ngalindawo.

U-Ezra 5:5

Kodwa ilihlo likaNkulunkulu wabo lalibalindile abadala babaJuda njalo kabazange beme kuze kuyefika umbiko kuDariyu kubuye njalo impendulo yakhe ibhaliwe.

UJobe 28:24

ngoba uyayikhangela imikhawulo yomhlaba akubone konke okungaphansi kwamazulu.

UJobe 31:4

Kanti kaziboni yini izindlela zami abale zonke izinyathelo zami?

UJobe 34:21

Amehlo akhe aphezu kwezindlela zabantu; ubona zonke izinyathelo zabo.

AmaHubo 113:6

okhothama akhangele phansi emazulwini lasemhlabeni?

AmaHubo 33:14

esemzini wakhe uyababona bonke abahlala emhlabeni

AmaHubo 33:15

yena owenza inhliziyo zabo bonke, enanzelela konke abakwenzayo.

AmaHubo 33:18

Kodwa amehlo kaThixo akulabo abamesabayo, kulabo othemba labo lisethandweni lwakhe olungapheliyo,

AmaHubo 34:15

Amehlo kaThixo akhangele abalungileyo lezindlebe zakhe ziyezwa ukukhala kwabo;

AmaHubo 37:37

Nanzelela abangelecala, qaphela abaqotho. Likhona ikusasa kumuntu wokuthula.

Izaga 15:3

Amehlo kaThixo asezindaweni zonke, alinde ababi labalungileyo.

Izaga 5:21

Phela izindlela zomuntu zisobala kuThixo, uyazihlola zonke izindlela zakhe.

U-Isaya 31:1

Maye kulabo abaya eGibhithe ukuyafuna usizo, abathemba amabhiza, abathembe ubunengi bezinqola zabo zempi lamandla amakhulu abagadi bamabhiza abo, kodwa bengathembeli koNgcwele ka-Israyeli, kumbe bacele usizo kuThixo.

UJeremiya 16:17

Amehlo ami akuzo zonke izindlela zabo; kabafihlakalanga kimi, lesono sabo kasiwacatshelanga amehlo ami.

UJeremiya 32:19

zinkulu injongo zakho njalo zilamandla izenzo zakho. Amehlo akho ayazibona zonke izindlela zabantu; unika umuntu wonke umvuzo kusiya ngokuziphatha kwakhe langokufanele izenzo zakhe.

UJeremiya 5:1

“Yehla ukhwele ngemigwaqo yaseJerusalema, ukhangele emaceleni wonke, ucabange, uhlolisise wonke amagceke ayo. Nxa ungathola umuntu oyedwa nje oqhuba ngobuqotho efuna iqiniso, ngizalithethelela idolobho leli.

UJeremiya 5:21

Zwanini lokhu, lina zithutha zabantu abangelangqondo, abalamehlo kodwa kababoni, abalezindlebe kodwa kabezwa:

UJeremiya 5:3

Awu Thixo, amehlo akho kawadingi qiniso na? Wabatshaya, kodwa kabezwanga buhlungu, wabahlifiza, kodwa bala ukuqondiswa. Benza ubuso babo baba lukhuni kulamatshe, bala ukuphenduka.

UZakhariya 4:10

Ngubani oludelelayo usuku lwezinto ezincane? Amehlo kaThixo ayisikhombisa agcwala umhlaba wonke jikelele azathokozelela ukubona intambo yokuqondisa esandleni sikaZerubhabheli?”

UMatewu 5:22

Kodwa ngilitshela ngithi loba ngubani ozondela umfowabo loba udadewabo uzakwahlulelwa emthethwandaba. Njalo lowo othi kumfowabo loba kudadewabo, ‘Raca,’ okutsho ukuthi ‘Silimandini,’ uzathonisiswa emphakathini. Njalo lowo othi, ‘Wena siwula!’ uzakuba sengozini yomlilo wesihogo.

ULukha 12:20

Kodwa uNkulunkulu wathi kuye, ‘Wena siwula ndini! Ngalobubusuku impilo yakho izathathwa. Pho ngubani ozazuza lokhu obusuzilungisele khona na?’

1 AbaseKhorinte 15:36

Yeka ubuwula! Elikuhlanyelayo akuphili ngaphandle kokuba kufe.

AbaseGalathiya 3:1

Lina maGalathiya ayizithutha! Ngubani oliloyileyo? Phambi kwamehlo enu uJesu Khristu wabonakaliswa obala ebethelwe.

AmaHebheru 4:13

Kukho konke okudaliweyo akulalutho olufihlakeleyo emehlweni kaNkulunkulu. Konke kwambuliwe kwabekwa obala phambi kwamehlo akhe yena okumele sizibike kuye.

1 UPhethro 3:12

Ngoba amehlo kaThixo akhangele abalungileyo lezindlebe zakhe ziyezwa, imikhuleko yabo, kodwa ubuso bukaJehova bumelana lalabo abenza okubi.”

1 USamuyeli 13:13

USamuyeli wathi, “Wenze ubuthutha. Kawuwugcinanga umlayo uThixo uNkulunkulu wakho akupha wona; aluba ubukwenzile lokho, ubezamisa umbuso wakho phezu kuka-Israyeli kokuphela.