1 uTimothi 2:9 - IBhayibhili Elingcwele LesiNdebele

⁹ Ngifuna ukuba abesifazane bagqoke ngokuzothileyo, okuhle lokufaneleyo, kungabi ngenwele ezelukiweyo loba igolide loba amangqongqo loba izigqoko ezidulayo

iBhayibhili Elingcwele 1978

⁹ Ngokunjalo labesifazana bagqoke izigqoko ezifaneleyo, bacece ngokuhlonipha langokuqonda, kungabi ngenwele ezelukiweyo, langegolide, langamangqongqo aligugu, langezambatho ezibiza imali enengi;

1 uTimothi 2:9 ပူးပေါင်းရင်းမြစ်များ

UGenesisi 24:53

Ngakho inceku yasikhupha igolide lesiliva kanye lempahla zokugqoka yakupha uRabheka; yapha njalo umnewabo lonina izipho ezidulayo.

2 AmaKhosi 9:30

Ngakho uJehu waya eJezerili. UJezebheli wathi ekuzwa lokho, wazicomba ngesibhuda emehlweni weluka inwele zakhe waselunguza ngefasitela.

U-Esta 5:1

Ngelanga lesithathu u-Esta wagqoka izembatho zakhe zobukhosi wema enkundleni engaphakathi kwesigodlo phambi kwendlu yenkosi. Inkosi yayihlezi esihlalweni sayo sobukhosi endlini yayo, ikhangele emnyango.

AmaHubo 149:4

Ngoba uThixo uyathokoza ngabantu bakhe; abathobekileyo ubapha umqhele wensindiso.

Izaga 31:22

Wendlala amalembu ombheda wakhe; agqoke ilineni elihle lezigqoko eziyibubende.

Izaga 31:25

Wembethe amandla lesithunzi; uyahleka loba kusiza insuku ezimbi.

Izaga 7:10

Khonokho nje kwaqhamuka owesifazane elihlangabeza egqoke okwesifebe ngoba eqophile.

U-Isaya 3:16

UThixo uthi, “Abesifazane baseZiyoni bayaziphakamisa, bahamba belule izintamo, behuga ngamehlo abo, begwenxeka ngamanyathelo amancane, izigqizo zikhencezela enqagaleni zabo.

U-Isaya 61:4

Bazavuselela njalo amanxiwa asendulo bavuse lezindawo ezadilizwa kudala. Bazavuselela amadolobho adilikayo aleminyaka eminengi adilika.

UJeremiya 2:32

Intombi ingazikhohlwa iziceciso zayo na, lomlobokazi akhohlwe izembatho zakhe na? Kodwa abantu bami bangikhohliwe, okwensuku ezingeke zibalwe.

UJeremiya 4:30

Wenzani na, wena ohlutshwe kakhulu? Kungani ugqoka okubomvu gebhu ufaka lezigqoko zegolide na? Kungani ucomba amehlo akho ngomphendulo na? Uzicecisela ize. Izithandwa zakho ziyakweyisa, zifuna ukukubulala.

UMatewu 11:8

Nxa kungayisikho, pho lalisiyabonani? Indoda eyayicecile na? Hatshi, labo abagqoka izigqoko ezinhle basezigodlweni zamakhosi.

1 uTimothi 2:10

kodwa ngezenzo ezinhle ezifanele abesifazane abathi bayamkhonza uNkulunkulu.