1 uTimothi 1:8 - IBhayibhili Elingcwele LesiNdebele

⁸ Siyakwazi ukuthi umthetho ulungile nxa umuntu ewusebenzisa kuhle.

iBhayibhili Elingcwele 1978

⁸ Siyazi kambe ukuthi umlayo ulungile, uba umuntu ewusebenzisa ngokomlayo,

1 uTimothi 1:8 ပူးပေါင်းရင်းမြစ်များ

UNehemiya 9:13

Wehla weza eNtabeni yaseSinayi; wakhuluma kubo usezulwini. Wabapha izimiso lemithetho eqondileyo njalo elungileyo, lezimemezelo lemilayo elungileyo.

AbaseRoma 12:2

Lingavumi futhi ukulingisa umhlaba lo, kodwa liguqulwe ingqondo zenu zibe zintsha. Lapho-ke lizakwenelisa ukuhlola lokwamukela lokho okuyintando kaNkulunkulu, intando yakhe elungileyo, ethokozisayo lepheleleyo.

AbaseRoma 7:16

Ngakho nxa ngisenza lokho engingafuni kukwenza, ngiyavuma ukuthi umthetho ulungile.

AbaseRoma 7:18

Ngiyakwazi ukuthi akulalutho oluhle oluhlala kimi, okutsho imvelo yami elesono. Ngoba ngilesifiso sokwenza okuhle, kodwa angingeke ngikufeze.

AbaseRoma 7:22

Ngoba ebuntwini bami bangaphakathi ngiyathokoza ngomthetho kaNkulunkulu;

AbaseGalathiya 3:21

Kambe ngalokho umthetho uphambene lezithembiso zikaNkulunkulu na? Akunjalo lakancane! Ngoba nxa kwakubekwe umthetho onika ukuphila, ukulunga impela kwakuzavela ngomthetho.

2 uTimothi 2:5

Ngokufanayo, nxa umuntu encintisa njengomdlali kawutholi umqhele wokunqoba ngaphandle kokuba encintisa ngokusemthethweni.