1 uTimothi 1:7 - IBhayibhili Elingcwele LesiNdebele

⁷ Bafuna ukuba ngabafundisi bomthetho kodwa kabakwazi abakhuluma ngakho loba lokhu abakuqinisa kangaka ngesibindi.

iBhayibhili Elingcwele 1978

⁷ befuna ukuba babe ngabafundisi bomlayo, bengaqedisisi lalokho abakutshoyo labaqinisa ngakho.

1 uTimothi 1:7 ပူးပေါင်းရင်းမြစ်များ

UMatewu 15:14

Bayekeleni; ngabakhokheli abazimpumputhe. Nxa impumputhe ihola impumputhe zombili zizawela egodini.”

UMatewu 21:27

Ngakho bamphendula uJesu bathi, “Kasikwazi.” Ngakho wasesithi, “Lami kangiyikulitshela ukuthi izinto lezi ngizenza ngamandla bani.”

ULukha 2:46

Ngemva kwensuku ezintathu bamfumana emagumeni ethempeli ehlezi phakathi kwabafundisi elalele njalo ebabuza imibuzo.

Imisebenzi 15:1

Amadoda athile eza e-Antiyokhi evela eJudiya, afika afundisa abazalwane esithi: “Ngaphandle kokuthi lisokwe ngendlela yomkhuba eyafundiswa nguMosi lingeke lisindiswe.”

AbaseRoma 1:22

Lanxa bazenza abahlakaniphileyo baba yizithutha

AbaseGalathiya 3:2

Mina ngifuna ukwazi into eyodwa nje kini: UMoya lamamukela ngokugcina umthetho loba ngokukholwa lokho elakuzwayo na?

AbaseGalathiya 3:5

Kanti uNkulunkulu ulinika uMoya wakhe abuye enze izimangaliso phakathi kwenu ngoba ligcina umthetho loba ngoba likholwa lokho elakuzwayo na?

AbaseGalathiya 4:21

Ngitshelani lina elifuna ukuba ngaphansi komthetho, kalikwazi yini ukuthi umthetho uthini?

1 uTimothi 6:4

uyazikhukhumeza njalo akulalutho aluzwisisayo. Ulezifiso ezimbi enkanini lasekuphikisaneni ngamazwi okudala umona, lombango, lezinkulumo ezilimazayo, ukucabangelana okubi

2 uTimothi 3:7

behlezi befunda kodwa besehluleka ukufinyelela elwazini lweqiniso.

UJakhobe 3:1

Bazalwane bami, abanengi benu akumelanga babe ngabafundisi ngoba liyakwazi ukuthi thina esifundisayo sizakwahlulelwa kalukhunikazi.

2 UPhethro 2:12

Kodwa abantu laba bahlambaza ngezindaba abangaziqedisisiyo. Banjengezinyamazana ezinganakaniyo, izidalwa ezibuswa yimvelo, ezazalelwa ukubanjwa lokubulawa kuphela, labo njalo njengezilo bazabhubha.