1 ImiLando 15:2 - IBhayibhili Elingcwele LesiNdebele

² UDavida wasesithi: “Kakho ozathwala ibhokisi lesivumelwano sikaNkulunkulu ngaphandle kwabaLevi ngoba uThixo wabakhethela ukuthwala ibhokisi lesivumelwano sikaThixo lokumkhonza kuze kube nininini.”

iBhayibhili Elingcwele 1978

² Wasesithi: Kakungabi lamuntu ozathwala umtshokotsho kaNkulunkulu kuphela amaLevi, ngoba iNkosi uNkulunkulu yawakhethela ukuthwala umtshokotsho wayo lokuyikhonza kuze kube nininini.

1 ImiLando 15:2 ပူးပေါင်းရင်းမြစ်များ

2 USamuyeli 6:13

Kwakusithi labo ababethwele ibhokisi lesivumelwano sikaThixo bangahamba izinyathelo eziyisithupha, anikele umhlatshelo wenkunzi lethole elinonisiweyo.

2 ImiLando 35:3

KubaLevi, ababefundisa abako-Israyeli bonke njalo ababevele behlukaniselwe uThixo wathi: “Bekani ibhokisi lesivumelwano elingcwele ethempelini elakhiwa nguSolomoni indodana kaDavida inkosi yako-Israyeli. Akumelanga libe lithwalwa ngamahlombe enu. Khathesi khonzani uThixo uNkulunkulu wenu labantu bakhe bako-Israyeli.

U-Eksodasi 25:14

Hlomani imijabo kulawo masongo asemaceleni omtshokotsho kube yizibambo.

U-Isaya 66:21

Ngizakhetha abanye babo ukuba labo babe ngabaphristi labaLevi,” kutsho uThixo.

AmaNani 3:6

“Letha abesizwe sikaLevi ubethule ku-Aroni umphristi ukuze bamncedise.

AmaNani 3:9

Yethula abaLevi ku-Aroni lakumadodana akhe; bangabako-Israyeli okumele bethulwe ngokugcweleyo kuye.

AmaNani 7:9

Kodwa uMosi kazange aphe lokukodwa kumaKhohathi, ngenxa yokuthi kwakungumlandu wabo wokuthwala ngamahlombe abo zonke izinto ezingcwele.

UDutheronomi 10:8

Ngalesosikhathi uThixo wehlukanisa abaLevi ukuze bathwale umtshokotsho wesivumelwano sikaThixo, ukuma phambi kukaThixo besenza umsebenzi wokukhonza kanye lokwethula izibusiso ngebizo lakhe, njengoba bekwenza lanamuhla.

UDutheronomi 31:9

UMosi wawuloba phansi umthetho wawuqhubela abaphristi, amadodana abaLevi, ababethwala umtshokotsho wesivumelwano sikaThixo, kanye labadala bonke bako-Israyeli.

UJoshuwa 3:3

zinika imilayo ebantwini zisithi, “Lapho libona umtshokotsho wesivumelwano sikaThixo uNkulunkulu wenu labaphristi abangabaLevi belithwele kuzamele litshiye izindawo zenu lililandele.

UJoshuwa 6:6

Ngakho uJoshuwa indodana kaNuni wabiza abaphristi wathi kubo, “Thathani umtshokotsho wesivumelwano sikaThixo kuthi abaphristi abayisikhombisa bahambe phambi kwawo bethwele amacilongo.”