1 ImiLando 1:7 - IBhayibhili Elingcwele LesiNdebele

⁷ Amadodana kaJavani ayeyila: u-Elisha, uThashishi, uKhithimi loRodanimu.

iBhayibhili Elingcwele 1978

⁷ Amadodana kaJavani ayengoElisha loTarshishi loKitimi loRodanimi.

1 ImiLando 1:7 ပူးပေါင်းရင်းမြစ်များ

UGenesisi 10:4

Amadodana kaJavani ayeyila: u-Elisha, uThashishi, uKhithimi loRodanimu.

1 ImiLando 1:6

Amadodana kaGomeri ayeyila: u-Ashikhenazi, uRifathi kanye loThogarima.

1 ImiLando 1:8

Amadodana kaHamu ayeyila: uKhushi, uMizirayimi, uPhuthi loKhenani.

AmaHubo 72:10

Amakhosi eThashishi lawemazweni akude azaletha imithelo kuye; amakhosi aseShebha leSebha azayilethela izipho.

U-Isaya 23:1

Isiqalekiso esimayelana leThire: Khalani lina mikhumbi yaseThashishi! Ngoba iThire selichithiwe lasala lingaselandlu kumbe indawo yokungenisa imikhumbi. Ilizwi selifikile kibo livela elizweni laseKhithimi.

U-Isaya 23:12

Wathi, “Akusekho ukuthokoza kwakho wena Ndodakazi Egcweleyo yaseSidoni esichoboziwe! Vuka ukhuphukele ngaseKhithimi; lakhona awuyikuthola ukuphumula.”

U-Isaya 66:19

“Ngizabeka isibonakaliso phakathi kwabo, ngithumele abanye balabo abasalayo ezizweni zeThashishi, kumaLibhiya, lamaLudi (alodumo ekusebenziseni imitshoko), eThubhali leGrisi lasezihlengeni ezikhatshana ezingakaluzwa udumo lwami kumbe zibone inkazimulo yami. Bazamemezela udumo lwami phakathi kwezizwe.

UJeremiya 2:10

Welani liye ngasemakhunjini aseKhithimi likhangele, thumelani eKhedari lihlolisise kuhle, libone langabe sekwake kwaba lento enjengale:

UHezekhiyeli 27:6

Ngemi-okhi eyavela eBhashani bakwenzela amaphini okugwedla izikepe; ngezigodo zomsipresi ezavela ngasolwandle lwaseKhithimi benza indawo yokuhamba kuyo, yendlalwe impondo zendlovu.

UHezekhiyeli 27:7

Iseyili lakho kwakuyilineni elihle elicecisiweyo elavela eGibhithe, elaba yilona phawu lwakho; amaseyili akho okusitha ilanga ayengawokuluhlaza lokuyibubende okwavela ngasolwandle lwase-Elisha.

UDanyeli 11:30

Imikhumbi evela emakhunjini olwandle lwasentshonalanga izamelana layo ihle iphele amandla. Izabuyela emuva iyebhodlisela ulaka lwayo phezu kwesivumelwano esingcwele. Izaphinda isekele labo abadela isivumelwano esingcwele.

AmaNani 24:24

Imikhumbi izakuza ivela okhunjini lwaseKhithimi; bazayehlula u-Asiriya kanye le-Ebha, kodwa laba bazachithwa babe ngamanxiwa.”