Tileme 3:7 - Buku ꞌba Tisaki ni Tɔdɔ to Lömu Laꞌja ꞌBa Yësu Kurïsïtö Ŋere Ze

⁷ “Ugu kɔzɔ a nime te zi malayika ꞌba kanisa ma Piladapiya. Ame na rɔ ndose abo ꞌba bɔ ame kɔtɔ laka gbï ŋge rɔ bɔ lende kodɔrɔ ne. Bo na kindaꞌba közï kakpa ꞌba Dawidi bɔ dɔliŋɔ ꞌdeni. Wa ame bo kunyë kpamo ꞌdeni yaga, bɔtɔ urögö dë kpe teyi. Kina wa ame bo kurögö kpamo ꞌdeni teyi bɔtɔ unyë dë kpe yaga.

Tileme 3:7 ပူးပေါင်းရင်းမြစ်များ

Matayo 16:19

Ti miꞌdi kpadörï ꞌba ŋere löbu ꞌba Bɔkoꞌba zïyï. Lende ame këddï kudödu zi bilaka ꞌba mï dɔyayi bine Bɔkoꞌba udödu ꞌdeni gbï mɔlo di mïtɔrɔ. Kina wa ame kodɔ kpamo di mï dɔyayi bine, Bɔkoꞌba odɔ kpamo ꞌdeni gbï mɔlo di mïtɔrɔ.”

Tileme 1:18

Ma na rɔ bɔ dïdï, mölë ꞌdeni pa ne mïdïdï ꞌdeni yaga rɔ ŋburuŋburu. Kpadörï ꞌba tölë ni ti maliti ꞌdeni pili mï közö.

Tileme 6:10

Kina lïjë këdï kulörï rɔ ma kembe, iya te, “Ŋere Bɔkoꞌba, nï ame kɔtɔ laka gbï rɔ bɔ lende kodɔrɔ ne. Ëddï kola kpa bilaka ꞌba mï dɔyayi naga nima kunzï ŋbö nyanya ga kinza ma kodɔ karama dönnï kpa dɔkolo roma ze nime ya?”

Yowani 14:6

Yësu iya te, “Ma na rɔ kɔri, rɔ lende ma kodɔrɔ, gbï rɔ dïdï. Bɔtɔ mɔtɔ ikali dë ma ꞌdɔ kömö zi ꞌbu ma Bɔkoꞌba tine ŋge kɔtɔ tö.

Luka 1:32

Bo ti këdï rɔ löbu kina ti kïdëkï bo rɔ kole ꞌba Bɔkoꞌba tigɔ dɔ kiteli. Ŋere Bɔkoꞌba ti kiꞌdi közï kakpa ꞌba ꞌbu bo löbu Dawidi ꞌdeni ŋgï zi bo.

Marako 1:24

“Waꞌdi ꞌbï tize, nï Yësu ꞌba Nazareta nime? Ako ꞌdeni tote dɔze nati? Mikali yi ꞌdeni. Nï na rɔ bɔ laja ma kɔtɔ laka ꞌba Bɔkoꞌba.”

1 Yowani 5:20

Dikalike ꞌdeni kole ꞌba Bɔkoꞌba ako ꞌdeni dɔliŋɔ bine tiꞌdi wa naga nime këdï njo zize ꞌdɔ dikalike Bɔkoꞌba ame ŋge kɔtɔ kpökï mïtɔrɔ ne. Ze ꞌdeni rɔ akɔtɔ ti bo Bɔkoꞌba römöyï ze ꞌdeni rɔ akɔtɔ ti kole abo Yësu Kurïsïtö. Bo na rɔ Bɔkoꞌba ame kɔtɔ kpökï mïtɔrɔ ne. Kina bo na rɔ bɔ dɔ dïdï ma ŋburuŋburu.

Tileme 19:11

Moꞌja mïtɔrɔ kurögö rönï ꞌdeni rɔ gböŋö kosani kaŋmi kɔdɔ ꞌdeni kɔmɔ ma yayi. Bɔ këkï dɔmo möyï mo rɔ Mï Këddï ti Lende Laka. Burë koꞌdɔ abo ti ya abo pili ti lende kodɔrɔ mo.

Tileme 3:14

“Ugu kɔzɔ a nime te zi malayika ꞌba kanisa ma Lodikiya. Ame na rɔ ndose abo ꞌba bɔ ame rɔ Amini lende abo ŋburu rɔ ma kodɔrɔ ne, bo na rɔ bɔ dɔ wa ame ga pili Bɔkoꞌba koꞌba ne.

Tileme 5:9

Kina lïjë koloma ŋgï rɔ toba ŋgala laꞌja ame kiya te, “Nï na laka kɔꞌbɔ tindaꞌba buku nima kunyë ꞌboŋa mo ga yaga, römöyï umu yi ꞌdeni kina me kugö bilaka ꞌdeni ti roma yï koꞌde zi Bɔkoꞌba di mï dɔ kupö pili ame ga kpamo rɔ gege ne pili rɔ gɔ dɔkomali bilaka.

Tileme 1:11

iya te, “Wa ame ga pili koꞌja ne ugu koja zi kanisa ma modɔmorïyö ame ga mï gawo ꞌba Epeso, mï Semorona, mï Pegamona, mï Towatira, mï Saradisi, mï Piladapiya ni ti Lodikiya ne.”

Ndɔbɔ ꞌBa Bɔ Laja 3:14

Bo ame kɔtɔ laka rɔ bɔ koꞌdɔ lende laka ꞌba Bɔkoꞌba ne ebe kususuke zi turu. Ititike za rɔ bɔ ame rɔ bɔ akupö ne na ꞌdɔ kope yaga ziye,

Matayo 24:35

Mïtɔrɔ ni ti dɔliŋɔ ti kiteli tine lende ma inza kote rönï du kɔtɔ te.”

Tileme 1:5

ti yëyï ꞌba Yësu Kurïsïtö koloma gbï tiye. Bo na lende abo ŋburu rɔ ma kodɔrɔ, kole dɔndende ꞌba tɔdɔ di mï tölë, ŋere ꞌba dɔ ŋere ni pili. Bo ame kɔꞌɔ ze ꞌdeni kulöwö kölë gɔze ꞌdɔ kope ze yaga di mï lende kënyë ze ga ti roma bo,

Luka 4:34

“Waꞌdi ꞌbï tize, nï Yësu ꞌba Nazareta nime? Ako ꞌdeni tote dɔze nati? Mikali yi ꞌdeni. Nï na rɔ bɔ laja ma kɔtɔ laka ꞌba Bɔkoꞌba.”

Tileme 15:3

Kina lïjë koloma ŋgï rɔ toba ŋgala ꞌba Musa bɔ laja ꞌba Bɔkoꞌba, ame gbï rɔ ŋgala ꞌba kamölö ꞌbɔꞌbi. Ame koba kiya te, “Ŋere Bɔkoꞌba tigɔ dɔ kiteli, ndɔbɔ koꞌdɔ ꞌbï ga na kulöwö rɔ mbëmbë rɔ dɔ kiteli. Ŋere ꞌba dɔ bilaka nime pili, kɔri ꞌbï na njo rɔ ma kodɔrɔ.

Tileme 21:5

Kina bɔ koloma dɔ kïtï mo tönë kënyï kiya te, “Mëdï moꞌdɔ wa me rɔ ma laꞌja.” Kina bo kileki ꞌböwu kiya zö tëgë, “Ugu wa nime bërï. Römöyï lende naga nime na rɔ ma kodɔrɔ ꞌdɔ kiꞌdi dɔ gɔmo.”

Tileme 19:2

Burë koꞌdɔ abo na laka rɔ ma kodɔrɔ. Bo odɔ karama ꞌdeni dɔ ꞌja yërï mbëmbë dɔ kïlëbï tönë koloma tirasi mï dɔliŋɔ ti yërï ꞌbënï ne. Bo opi dɔkolo bɔ laja abo ga ame lɔko kupö ne ꞌdeni ko di rönï.”

Tileme 16:7

Kina muwö birɔ kudu di mï bi ꞌba akumu iya te, “Ŋere Bɔkoꞌba tigɔ dɔ kiteli, burë koꞌdɔ ꞌbï na ŋgï pili rɔ ma kodɔrɔ.”

Tileme 4:8

Yërï sowɔ naga nima pili ti kakala rɔ modɔɔkɔtɔ ti kɔmɔ kote rɔmo kpaki kebe bïcï kakala mo ga. Kote kada ti korɔndɔ ꞌbënï pili lïjë udumö dë di bi toba mo kiya te, “Bɔkoꞌba tigɔ dɔ kiteli na kɔtɔ laka, kɔtɔ laka, kɔtɔ laka, bo na rɔ bɔ ame këdï ꞌdeni mɔlo di bi tisaki mo nduwë kömö gïrï nime ŋbö rɔ ŋburuŋburu ne.”

Tileme 2:1

“Ugu kɔzɔ a nime te zi malayika ꞌba kanisa ma Epeso. Ame na rɔ ndose abo ꞌba bɔ ame kindaꞌba këlu modɔmorïyö közï bo ma dörï, bo këdï kiliŋgere mï löŋgö ndëŋï modɔmorïyö di mï yamo köbököbö ꞌba tïdëyï lamba tönë ga ne.