Tileme 3:2 - Buku ꞌba Tisaki ni Tɔdɔ to Lömu Laꞌja ꞌBa Yësu Kurïsïtö Ŋere Ze

² Ne tine ënyïke kindiŋike yaga kïsïkïke kɔsɔ ye ama këdï koꞌdɔkɔ ꞌdeni gbï tulöku ne. Römöyï moŋgɔ ꞌdeni akoꞌdɔ ꞌbe ga inza gba njo gɔ kɔmɔ Bɔkoꞌba ma.

Tileme 3:2 ပူးပေါင်းရင်းမြစ်များ

Matayo 23:5

Lïjë öꞌbö toꞌdɔ wa pili ŋge ꞌdɔ bilaka koŋgɔ lïjë gɔmo. Oŋgɔ ma lïjë koꞌdɔ dökulë ꞌbënnï ga ame lïjë këdï kulölï rɔ makpɔtɔ titi ame lende ꞌba mï buku ꞌba Bɔkoꞌba na kugu yïmo ne kudöꞌbö te, gbï ti ma kudödu kɔnyɔ mo ga. Kina oŋgɔ gbï bi nziya ꞌba kpa bɔŋgɔ ꞌbënnï ga ma kidakpa te.

Matayo 25:13

Yësu ileki gɔmo, iya te, “Kina ti olomake ti bi koda römöyï kada ꞌba tako ꞌba ŋere ꞌbe ikalike dë.”

Matayo 25:7

Kina yïtötï ꞌbutë tönë ga kënyï ŋgï tileŋo lamba ꞌbënnï ga.

Ndɔbɔ ꞌBa Bɔ Laja 18:23

kari koloma titi koꞌdɔ töꞌdö dɔ ndö tara yayi. Di pötö mo na bo kënyï di Anitɔkiya yayi kari kebe mï dɔyayi ꞌba Galatiya ni ti Parugïya tiꞌdi mï këddï zi bilaka ꞌba kanisa.

1 Pïtörö 4:7

Ŋburuŋburu ꞌba wa pili ɔwɔ dë kpe. Kina olomake ti liya ti mï këddï ti mötu koꞌdɔ zi Bɔkoꞌba.

1 Pïtörö 5:8

Olomake ndö rɔ ma kitigɔ ti bi koda römöyï bɔ ya ꞌbe Satani ëdï koꞌdɔkɔ tako toꞌdɔ ya tiye. Bo ëdï kiliŋgere kɔzɔ mönö tabïyö ame këdï kilaki ti monɔ toma yida ame ꞌdɔ bo konyo ne.

Tileme 16:15

“Ne uwöke ti, mëdï mako ŋgï tuguꞌdu kɔzɔ bɔ ꞌbögö naga tara. Bɔ ame köꞌbö rɔ ma koŋgɔ bi ndö ti bɔŋgɔ abo ga ne kina laka, römöyï kinza bo kari ra yaga kɔmɔ bilaka rɔ gɔ ŋbululu rɔ, rɔ kaya.”

Tileme 2:4

Ne pele mëdï gba ti wa naga nime tiya mo yida rɔye. Moŋgɔ ye idakike ꞌdeni di mï akɔꞌɔ ꞌbe, inzake kpe kɔzɔ ma dɔgba tönë bine ne.

Tileme 3:1

“Ugu kɔzɔ a nime te zi malayika ꞌba kanisa ma Saradisi. Ame na rɔ ndose abo ꞌba bɔ ma Nyï Kɔtɔ Laka modɔmorïyö ꞌba Bɔkoꞌba ti këlu modɔmorïyö tönë ga këdï mï közï bo ne. Ndɔbɔ koꞌdɔ ꞌbe ga mikali ꞌdeni. Mikali ꞌdeni ëddï kïdëkïke rɔye iyake te kpe gba ti dïdï mïye dëmba kpe eꞌbe ꞌdeni ka mɔlo rɔ töku.

Tileme 3:3

Wa ame ga tönë kiyandi ye timo kuwöke ꞌdeni ne, omerike gɔmo. Uwöke dɔmo ti ꞌdɔ kotɔke dɔye di mï lende kënyë ꞌbe ga. Ɔdɔ kënyïke kindiŋike dë yaga ti mako tuguꞌdu ziye kɔzɔ bɔ ꞌbögö naga tara. Kina inza kikalike saa ꞌba tako ma.